بۇل تسيفرلىق شەشىمدەر قالا تۇرعىندارى ۇشىن قوعامدىق كولىكتى پايدالانۋدى جەڭىلدەتۋگە, قاۋىپسىز جانە قولجەتىمدى ەتۋگە باعىتتالعان. تسيفرلىق شەشىم كولىكتىك تولەمدى وڭايلاتىپ, الماتى قالاسىنىڭ قوعامدىق كولىگىن ىڭعايلى ارى قاۋىپسىز ەتەدى, دەپ حابارلايدى Shalqar.kz.

پلاستيكالىق كارتانىڭ ورنىنا - تسيفرلىق فورمات. ەندى بالاعا پلاستيكالىق كارتانى وزىمەن بىرگە الىپ جۇرۋدىڭ قاجەتى جوق — جول اقىسىن تىكەلەي سمارتفون ارقىلى تولەۋگە بولادى. الماتى قالاسىنىڭ وقۋشىلارىنا ارنالعان جەڭىلدىكپەن بەرىلەتىن ۆيرتۋالدى كارتانى اتا-انالار وز تەلەفوندارىندا ONAY! موبيلьدى قوسىمشاسى ارقىلى ونلاين راسىمدەي الادى. پروتسەسس تولىق اۆتوماتتاندىرىلعان: اتا-انا وز جانە بالاسىنىڭ دەرەكتەرىن راستايدى, سودان كەيىن جۇيە پايدالانۋشىنىڭ كەلىسىمى نەگىزىندە قاجەتتى اقپاراتتى مەملەكەتتىك دەرەكتەر قورىنان الادى. تەلەفون جوعالعان جاعدايدا, اككاۋنتتى قالپىنا كەلتىرۋدى ONAY! قوسىمشاسىندا وز بەتىنشە جاساۋعا بولادى - قىزمەت كورسەتۋ ورتالىقتارىنا بارۋدىڭ قاجەتى جوق.  

ەكولوگييالىق اسەر جانە پلاستيكتى ازايتۋ. جەڭىلدىكپەن بەرىلەتىن ۆيرتۋالدى كارتالاردىڭ ىسكە قوسىلۋى پلاستيكالىق كارتالاردى پايدالانۋدى ازايتىپ, قورشاعان ورتاعا تۇسەتىن سالماقتى تومەندەتۋگە مۇمكىندىك بەرەدى. تسيفرلىق فورماتقا كوشۋ الماتى قالاسىنىڭ ەكولوگييالىق تۇراقتىلىق پەن «جاسىل» تسيفرلاندىرۋ ماقساتتارىن قولدايدى, وسىلايشا قوعامدىق كولىك تەك ىڭعايلى عانا ەمەس, ەكولوگييالىق «تازا» دا بولا تۇسەدى.

قاۋىپسىزدىك جانە مەملەكەتتىك سەرتيفيكاتتاۋ. اتالعان جوبالاردى جۇزەگە اسىرۋ بارىسىندا ONAY! قازاقستان رەسپۋبليكاسىنىڭ مەملەكەتتىك تەحنيكالىق قىزمەتى ارقىلى اقپاراتتىق قاۋىپسىزدىك سالاسىندا سىناقتان ساتتى وتتى. ناتيجەلەر جۇيەنىڭ تيىستى دەڭگەيدە قورعالعانىن جانە بەلگىلەنگەن تالاپتارعا ساي ەكەنىن راستادى. بۇل ينتەگراتسييانىڭ مەملەكەتتىك اقپاراتتىق جۇيەلەرمەن قاۋىپسىز بايلانىسىن جانە پايدالانۋشىلار كەلىسىمى نەگىزىندە دەربەس دەرەكتەردى الۋ مۇمكىندىگىن قامتاماسىز ەتتى.