قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قازاقستان حالقىنا "جاڭا تاريحي كەزەڭدەگى قازاقستاننىڭ وزەكتى مىندەتتەرى" اتتى جولداۋىن جارييالادى. مەملەكەت باسشىسى ەلدىڭ الداعى دامۋ باعىتتارىن ايقىنداپ, ەكونوميكالىق وسىم, ينفراقۇرىلىمدى جاڭعىرتۋ جانە حالىقتىڭ ومىر سۇرۋ ساپاسىن ارتتىرۋ ماسەلەلەرىنە نازار اۋداردى.

جولداۋدا بيىل قازاقستان تاۋەلسىزدىگىنىڭ 35 جىلدىعى اتاپ وتىلەتىنى جانە جاڭا كونستيتۋتسييانىڭ قابىلدانۋى ەلدىڭ ساياسي جۇيەسىن جاڭعىرتۋعا سەرپىن بەرگەنى ايتىلدى. 

پرەزيدەنت بارلىق وڭىردە قۇرىلىس جۇمىستارىن جانداندىرۋ قاجەتتىگىن اتاپ وتتى. ەڭ الدىمەن. وبلىستاردىڭ دەنساۋلىق ساقتاۋ, بىلىم بەرۋ, مادەنيەت جانە سپورت نىساندارىنا دەگەن قاجەتتىلىگىن انىقتاۋ مىندەتى قويىلدى. سونىمەن قاتار, وڭىرلەردى گازبەن, تازا اۋىز سۋمەن جانە زاماناۋي ينفراقۇرىلىممەن قامتاماسىز ەتۋ ماسەلەلەرى كوتەرىلدى.

جولداۋدا ينفراقۇرىلىمدىق جوبالاردى كەشەندى تۇردە ىسكە اسىرۋعا باسىمدىق بەرىلدى. بۇل باعىتتا الەۋمەنتتىك نىساندار سالۋ, ينجينەرلىك جەلىلەردى جاڭعىرتۋ جانە وڭىرلەردىڭ قاجەتتىلىكتەرىن ەسكەرە وتىرىپ, قۇرىلىس جۇمىستارىن ۇيىمداستىرۋ كوزدەلدى.

اۋىل شارۋشىلىعىنىڭ ونىمدىلىگىن ارتتىرۋ, فەرمەرلەردى قارجىلاندىرۋ, وتاندىق اۋىل شارۋشىلىعى تەحنيكاسىن وندىرۋ جانە ازىق-تۇلىك ونىمدەرىن وڭدەۋ ماسەلەلەرى قامتىلدى.