Qazaqstan Respublikasınıñ Prezidenti Qasım-Jomart Toqaev Qazaqstan halqına "Jaña tarihi kezeñdegi Qazaqstannıñ özekti mindetteri" attı Joldauın jariyaladı. Memleket basşısı eldiñ aldağı damu bağıttarın ayqındap, ekonomikalıq ösim, infraqwrılımdı jañğırtu jäne halıqtıñ ömir süru sapasın arttıru mäselelerine nazar audardı.

Joldauda biıl Qazaqstan täuelsizdiginiñ 35 jıldığı atap ötiletini jäne jaña Konstituciyanıñ qabıldanuı eldiñ sayasi jüyesin jañğırtuğa serpin bergeni aytıldı. 

Prezident barlıq öñirde qwrılıs jwmıstarın jandandıru qajettigin atap ötti. Eñ aldımen. oblıstardıñ densaulıq saqtau, bilim beru, mädeniet jäne sport nısandarına degen qajettiligin anıqtau mindeti qoyıldı. Sonımen qatar, öñirlerdi gazben, taza auız sumen jäne zamanaui infraqwrılımmen qamtamasız etu mäseleleri köterildi.

Joldauda infraqwrılımdıq jobalardı keşendi türde iske asıruğa basımdıq berildi. Bwl bağıtta äleumenttik nısandar salu, injinerlik jelilerdi jañğırtu jäne öñirlerdiñ qajettilikterin eskere otırıp, qwrılıs jwmıstarın wyımdastıru közdeldi.

Auıl şaruşılığınıñ önimdiligin arttıru, fermerlerdi qarjılandıru, otandıq auıl şaruşılığı tehnikasın öndiru jäne azıq-tülik önimderin öñdeu mäseleleri qamtıldı.