Әлемдік теннистің болашағы Алматыда талқыланады,-деп хабарлайды "Shalqar.kz" "ҚТФ баспасөз" сайтына сілтеме жасап. 

10-13 қазан аралығында Алматыда Word Tennis Бас ассамблясы өтеді. Орталық Азияда алғаш рет ұйымдастырылатын жиынға әлемнің 137 елінен 262-ден астам делегат қатысады деп күтілуде. 10-11 қазанда Директорлар кеңесінің отырыстары, ал 11-13 қазан күндері панельдік талқылаулар мен жалпы дауыс беру өтеді. 

Ассамблеяның Қазақстанда ұйымдастырылуы елдің халықаралық теннис қауымдастығындағы беделігің артып келе жатқанын көрсетеді. Форум қатысушыларға тәжірибе алмасуға, халықаралық ынытымақтастықты нығайтуға және жаңа серіктестіктер орнатуға мүмкіндік береді. 13 қазанда өтетін Бас Ассамблеяда теннисті қолжетімді ету, балалар мен жасөспірімдер спортын дамыту, инфроқұрылымды жетілдіру, жаттықтырушылар мен төрешілерді даярлау мәселелері қарастырылады. Сондай-ақ әлемдік теннистің алдағы даму бағыттары айқындалады.