قىزىلوردادا "اناعا تاعزىم" ىىى رەسپۋبليكالىق فورۋمى وتتى,-دەپ حابارلايدى "Shalqar.kz". 

7 قازاندا قىزىلوردادا "اناعا تاعزىم" ىىى رەسپۋليكالىق فورۋمى وتتى. بيىل "انا برەندى: تسيفرلىق داۋىردەگى تاربيە كودى" تاقىرىبىمەن ۇيىمداستىرىلعان جيىن انانىڭ قوعامداعى رولىن ارتتىرۋعا, ۇلتتىق قۇندىلىقتاردى ساقتاۋعا جانە تسيفرلىق داۋىردە ۇرپاق تاربيەلەۋ ماسەلەلەرىنە ارنالدى.

فورۋمعا ۇلتتىق كوميسسييا وكىلدەرى, عالىمدار, قوعام قايراتكەرلەرى, مادەنيەت وكىلدەرى مەن ەلىمىزدىڭ تۇرلى وڭىرلەرىنەن كەلگەن دەلەگاتتار قاتىستى. 

وتىرىستاردا وتباسى ينستيتۋتىن نىعايتۋ, انا مارتەبەسىن كوتەرۋ جانە بالا تاربيەسىندە ۇلتتىق قۇندىلىقتاردىڭ ماڭىزىن ساقتاۋ ماسەلەلەرى تالقىلاندى. ال سەكتسييالىق كەزدەسۋلەردە ۇلتتىق تاربيە, وتباسى مەن مانساپ ۇيلەسىمى, ايەلدەر كاسىپكەرلىگى جانە انا مەن بالا دەنساۋلىعى باعىتتارى قامتىلدى.

فورۋم اياسىندا قاتىسۋشىلار قىزىلوردانىڭ الەۋمەنتتىك-مادەني نىساندارىمەن تانىسىپ, جەرگىلىكتى كاسىپكەرلەر مەن قولونەرشىلەردىڭ جۇمىستارىن تاماشالادى. جيىننىڭ باستى ماقساتى - داستۇرلى تاربيە مەن زامانۋي تەحنولوگييالاردى ۇشتاستىرىپ, سانالى ارى جاۋاپتى ۇرپاق تاربيەلەۋدەگى انانىڭ رولىن نىعايتۋ.