الماتىداعى "Aport Mall East" ويىن-ساۋىق كەشەنىندە "قۇقىقتىق دارىحانا" اتتى اۋقىمدى اكتسييا وتتى. ماڭىزدى ىس-شارانى الماتى قالاسىنىڭ جانە الماتى وبلىسىنىڭ بالالار قۇقىقتارىن قورعاۋ باسقارمالارى بىرلەسىپ ۇيىمداستىردى. 

ىس-شارانىڭ باستى ماقساتى - بالالاردىڭ قۇقىقتىق ساۋاتتىلىعىن ارتتىرۋ, ولارعا وز قۇقىقتارى مەن مىندەتتەرىن تۇسىندىرۋ جانە وتباسىلىق قاۋىپسىزدىكتى نىعايتۋ. اكتسييا بارىسىندا تۇرعىندارعا بىلىكتى ماماندار تاراپىنان تەگىن قۇقىقتىق كەڭەستەر بەرىلىپ, بالالاردىڭ قاۋىپسىزىدىگى مەن اتا-انالاردىڭ جاۋاپكەرشىلىگى تۋرالى اقپاراتتىق بروشيۋرالار مەن پاراقشالار تاراتىلدى. سونداي-اق, قاتىسۋشىلار ۆيكتورينالار مەن ينتەراكتيۆتى ويىندارعا بەلسەنە قاتىسىپ, تۇرلى قۇقىقتىق جاعداياتتاردى تالقىلادى. بالالار مەن اتا-انالار وزدەرىن تولعاندىرعان سۇراقتارى مەن ۇسىنىستارىن ارنايى ورناتىلعان "تىلەك پەن ۇسىنىس جاشىگى" (سەنىم جاشىگى) ارقىلى انونويمدى تۇردە جەتكىزۋگە مۇمكىندىك الدى. 

الماتى قالاسى بالالاردىڭ قۇقىقتارىن قورعاۋ باسقارماسىنىڭ باسشىسى جانات ايتپاەۆا: 

"وتباسىنىڭ تىنىشتىعى مەن بالانىڭ قاۋىپسىزدىگى - بارىمىز ۇشىن ەڭ ماڭىزدى ماسەلە. كەيدە بىر اۋىز دۇرىس كەڭەستىڭ وزى قيىن جاعدايدان شىعۋعا ۇلكەن كومەك بەرەدى. وسى ماقساتتا ۇيىمداستىرىلعان "قۇقىقتىق دارىحانا" اكتسيياسى بالالار مەن اتا-انالارعا كوكەيكەستى سۇراقتارىنا جاۋاپ الىپ. قاجەتتى قۇقىقتىق قولداۋ تابۋعا جان-جاقتى مۇمكىندىك بەرەدى",- دەپ اتاپ وتتى. 

الماتى وبىلىسى بالالار قۇقىقتارىن قورعاۋ باسقارماسىنىڭ قۇقىقتىق بولىمىنىڭ باس مامانى مادييار شاراپوۆ:

"بۇگىن تاڭەرتەڭنەن بەرى 150-دەن استام اتا-انا مەن بالا بىزگە جۇگىندى. ازاماتتار ارتۇرلى ماسەلەلەر بويىنشا كەلۋدە. مىسالى, بىرەۋلەر مۇعالىم مەن وقۋشى اراسىنداعى كەلىسپەۋشىلىكتى قالاي شەشۋ كەرەگىن سۇراسا, كەيبىر بالالار مەكتەپتەگى ساباق جۇكتەمەسىنىڭ تىم كوپتىگىنە شاعىمداندى. بىز وز تاراپىمىزدان جان-جاقتى كەڭەس بەرىپ, تيىستى ورگاندار ارقىلى شەشىلۋى تيىس ماسەلەلەردى ارنايى جازىپ الىپ جاتىرمىز",-دەدى. 

ار بالانىڭ وز قۇقىعىن بىلىپ, وزىن قاۋىپسىز سەزىنىپ وسۋى- قوعامنىڭ ورتاق مىندەتى. بالا قۇقىعىن قورعاۋ- ونىڭ بۇگىنگى باقىتتى بالالىق شاعىنا عانا ەمەس, ەلدىڭ جارقىن ارى سەنىمدى بولاشاعىنا جاسالعان ماڭىزدى قادام.