Almatıdağı "Aport Mall East" oyın-sauıq keşeninde "Qwqıqtıq därihana" attı auqımdı akciya ötti. Mañızdı is-şaranı Almatı qalasınıñ jäne Almatı oblısınıñ Balalar qwqıqtarın qorğau basqarmaları birlesip wyımdastırdı. 

İs-şaranıñ bastı maqsatı - balalardıñ qwqıqtıq sauattılığın arttıru, olarğa öz qwqıqtarı men mindetterin tüsindiru jäne otbasılıq qauıpsizdikti nığaytu. Akciya barısında twrğındarğa bilikti mamandar tarapınan tegin qwqıqtıq keñester berilip, balalardıñ qauıpsizidigi men ata-analardıñ jauapkerşiligi turalı aqparattıq broşyuralar men paraqşalar taratıldı. Sonday-aq, qatısuşılar viktorinalar men interaktivti oyındarğa belsene qatısıp, türli qwqıqtıq jağdayattardı talqıladı. Balalar men ata-analar özderin tolğandırğan swraqtarı men wsınıstarın arnayı ornatılğan "Tilek pen wsınıs jäşigi" (senim jäşigi) arqılı anonoimdi türde jetkizuge mümkindik aldı. 

Almatı qalası Balalardıñ qwqıqtarın qorğau basqarmasınıñ basşısı Janat Aytpaeva: 

"Otbasınıñ tınıştığı men balanıñ qauıpsizdigi - bärimiz üşin eñ mañızdı mäsele. Keyde bir auız dwrıs keñestiñ özi qiın jağdaydan şığuğa ülken kömek beredi. Osı maqsatta wyımdastırılğan "Qwqıqtıq därihana" akciyası balalar men ata-analarğa kökeykesti swraqtarına jauap alıp. qajetti qwqıqtıq qoldau tabuğa jan-jaqtı mümkindik beredi",- dep atap ötti. 

Almatı obılısı Balalar qwqıqtarın qorğau basqarmasınıñ qwqıqtıq böliminiñ bas mamanı Madiyar Şarapov:

"Bügin tañerteñnen beri 150-den astam ata-ana men bala bizge jügindi. Azamattar ärtürli mäseleler boyınşa kelude. Mısalı, bireuler mwğalim men oquşı arasındağı kelispeuşilikti qalay şeşu keregin swrasa, keybir balalar mekteptegi sabaq jüktemesiniñ tım köptigine şağımdandı. Biz öz tarapımızdan jan-jaqtı keñes berip, tiisti organdar arqılı şeşilui tiis mäselelerdi arnayı jazıp alıp jatırmız",-dedi. 

Är balanıñ öz qwqığın bilip, özin qauıpsiz sezinip ösui- qoğamnıñ ortaq mindeti. Bala qwqığın qorğau- onıñ bügingi baqıttı balalıq şağına ğana emes, eldiñ jarqın äri senimdi bolaşağına jasalğan mañızdı qadam.