الماتى مەنەدجمەنت ۋنيۆەرسيتەتىندە (AlmaU) قامقورشىلار كۇنىنە وراي "جۇرەك جىلۋى بالاعا" اتتى سالتاناتتى ىس-شارا ۇيىمداستىرىلدى. الماتى قالاسى بالالاردىڭ قۇقىقتارىن قورعاۋ باسقارماسىنىڭ باستاماسىمەن وتكەن جيىن قامقورشى وتباسىلاردىڭ ەڭبەگىن باعالاپ, وتباسىلىق قۇندىلىقتاردى دارىپتەۋگە ارنالدى. بۇگىندە الماتىدا 718 قامقورشى وتباسى 921 بالانى تاربيەلەپ وتىر. مەرەكەلىك شاراعا سول وتباسىلاردىڭ وكىلدەرى, قالالىق باسقارما قىزمەتكەرلەرى, قوعام قايراتكەرلەرى مەن باق وكىلدەرى قاتىستى. جيىن بارىسىندا بالالاردىڭ تاربيەسى مەن ال-اۋقاتىنا ەرەكشە ۇلەس قوسىپ جۇرگەن قامقورشى وتباسىلار ماراپاتتالدى. ولارعا الماتى قالاسى اكىمىنىڭ ورىنباسارى ابزال نۇكەنوۆتىڭ اتىنان العىس حاتتار مەن بالالاردىڭ قۇقىقتارىن قورعاۋ باسقارماسىنىڭ ەستەلىك سىيلىقتارى تابىستالدى. باسقارما باسشىسى جانات ايتپاەۆا قامقورشى وتباسىلاردىڭ قوعامداعى ورنىنا توقتالىپ, بالا تاربيەسىندەگى مەيىرىم مەن وتباسى جىلۋىنىڭ ماڭىزىن اتاپ وتتى. "اربىر بالا مەيىرىم مەن سۇيىسپەنشىلىككە تولى وتباسىندا وسۋگە قۇقىلى. قامقورشى وتباسىلار تاعدىردىڭ قيىندىعىنا تاپ بولعان بالالارعا ۇمىت سىيلاپ, ولاردىڭ بولاشاعىنا جول اشادى. بۇگىنگى شارا - بالا تاعدىرىنا بەيجاي قارامايتىن ازاماتتارعا دەگەن العىسىمىز بەن قۇرمەتىمىزدىڭ كورىنىسى. بىز بالالاردىڭ قۇقىقتارىن قورعاۋ جانە وتباسىلىق قۇندىلىقتاردى دارىپتەۋ باعىتىنداعى جۇمىستاردى جالعاستىرا بەرەمىز",- دەدى جانات ايتپاەۆا. سالتاناتتى جيىنعا الماتى قالاسى قوعامدىق كەڭەسىنىڭ مۇشەسى, قازاقستان بالالار ۇيلەرى تۇلەكتەرى قاۋىمداستىعىنىڭ پرەزيدەنتى رافاەلь گاسانوۆ, "بيس پروەكت" جشس باس ديرەكتورى, قر ساۋلەتشىلەر وداعىنىڭ مۇشەسى بەكبولات شۋنگيلوۆ, "ECO-QOGAM" قوعامدىق قورىنىڭ ديرەكتورى سانا جانداي, كاسىپكەر يسلام كاراگەزوۆ, "تۇركى حالىقتارىنىڭ الماتى مادەنيەت قورى" وكىلى نۋرەتدين گەكگۋلь, الماتى قالاسى وتباسىن قولداۋ ورتالىعىنىڭ باسشىسى اقمولجان زاريپوۆ جانە م.و. اۋەزوۆ اتىنداعى ادەبيەت جانە ونەر ينستيتۋتى باس ديرەكتورىنىڭ ورىنباسارى ەلьميرا وماروۆا قاتىستى. قوناقتار قامقورشى وتباسىلارعا ريزاشىلىعىن بىلدىرىپ, بالالاردى قولداۋعا باعىتتالعان باستامالارعا اتسالىسۋعا دايىن ەكەندەرىن جەتكىزدى. مەتسەنات بەكبولات شۋنگيلوۆ بالالارعا قولداۋ كورسەتۋ ماقساتىندا كومپانييا تابىسىنىڭ بىر بولىگىن ارنايى قورعا اۋدارۋعا نيەتتى ەكەنىن مالىمدەدى. "ەكىنشى دەڭگەيدەگى بانكتەر جانىنان ارنايى قور اشىپ, وسى ىسكە ۇلەس قوسقىم كەلەدى. وز كومپانييامنىڭ تابىسىنىڭ 10 پايىزىن بالالار قورىنا تۇراقتى تۇردە اۋدارىپ وتىراتىن بولامىن",- دەدى ول. ال رافاەلь گاسانوۆ قامقورشى وتباسىلارعا العىس ايتىپ, بالالاردىڭ جارقىن بولاشاعىنا باعىتتالعان جوبالاردى قولداۋعا دايىن ەكەنىن بىلدىردى. مەرەكەلىك باعدارلامانىڭ كونتسەرتتىك بولىگىندە قازاقستاننىڭ ەڭبەك سىڭىرگەن قايراتكەرى تولقىن زابيروۆا, باقىتجان بايقاداموۆ اتىنداعى مەملەكەتتىك حور كاپەللاسىنىڭ انشىسى قالامقاس قادىرباەۆا, جاس ونەرپازدار ادىك جەكسەنۇلى, ىنجۋ انۋاربەك, عالامات بەيسەقوجا جانە "Jiger-Janat" دۋەتى ونەر كورسەتتى. سونداي-اق "ىقىلاس" ەتنو-انسامبلى ۇلتتىق اۋەندەردەن شاشۋ شاشتى. كەش سوڭىندا بالالار مەن قامقورشى وتباسىلارعا ارنالعان مەرەكەلىك باعدارلاما جىلى جۇزدەسۋگە ۇلاستى. شارا قاتىسۋشىلارى بالاعا وتباسىلىق جىلۋ مەن تۇراقتى قولداۋ كورسەتۋدىڭ ماڭىزىن تاعى بىر مارتە ايقىندادى. قامقورشى وتباسى - بالاعا جاڭا مۇمكىندىك پەن جارقىن بولاشاق سىيلايتىن ورتا. وسىنداي وتباسىلاردىڭ ەڭبەگىن باعالاۋ - قوعامنىڭ ورتاق مىندەتى.