Almatı Menedjment Universitetinde (AlmaU) Qamqorşılar künine oray "Jürek jıluı balağa" attı saltanattı is-şara wyımdastırıldı. Almatı qalası Balalardıñ qwqıqtarın qorğau basqarmasınıñ bastamasımen ötken jiın qamqorşı otbasılardıñ eñbegin bağalap, otbasılıq qwndılıqtardı däripteuge arnaldı. Büginde Almatıda 718 qamqorşı otbası 921 balanı tärbielep otır. Merekelik şarağa sol otbasılardıñ ökilderi, qalalıq basqarma qızmetkerleri, qoğam qayratkerleri men BAQ ökilderi qatıstı. Jiın barısında balalardıñ tärbiesi men äl-auqatına erekşe üles qosıp jürgen qamqorşı otbasılar marapattaldı. Olarğa Almatı qalası äkiminiñ orınbasarı Abzal Nükenovtiñ atınan Alğıs hattar men Balalardıñ qwqıqtarın qorğau basqarmasınıñ estelik sıylıqtarı tabıstaldı. Basqarma basşısı Janat Aytpaeva qamqorşı otbasılardıñ qoğamdağı ornına toqtalıp, bala tärbiesindegi meyirim men otbası jıluınıñ mañızın atap ötti. "Ärbir bala meyirim men süyispenşilikke tolı otbasında ösuge qwqılı. Qamqorşı otbasılar tağdırdıñ qiındığına tap bolğan balalarğa ümit sıylap, olardıñ bolaşağına jol aşadı. Bügingi şara - bala tağdırına beyjay qaramaytın azamattarğa degen alğısımız ben qwrmetimizdiñ körinisi. Biz balalardıñ qwqıqtarın qorğau jäne otbasılıq qwndılıqtardı däripteu bağıtındağı jwmıstardı jalğastıra beremiz",- dedi Janat Aytpaeva. Saltanattı jiınğa Almatı qalası qoğamdıq keñesiniñ müşesi, Qazaqstan balalar üyleri tülekteri qauımdastığınıñ prezidenti Rafael' Gasanov, "BiS Proekt" JŞS bas direktorı, QR Säuletşiler odağınıñ müşesi Bekbolat Şungilov, "ECO-QOGAM" qoğamdıq qorınıñ direktorı Sana Janday, käsipker Islam Karagezov, "Türki halıqtarınıñ Almatı mädeniet qorı" ökili Nuretdin Gekgul', Almatı qalası Otbasın qoldau ortalığınıñ basşısı Aqmoljan Zaripov jäne M.O. Äuezov atındağı Ädebiet jäne öner institutı bas direktorınıñ orınbasarı El'mira Omarova qatıstı. Qonaqtar qamqorşı otbasılarğa rizaşılığın bildirip, balalardı qoldauğa bağıttalğan bastamalarğa atsalısuğa dayın ekenderin jetkizdi. Mecenat Bekbolat Şungilov balalarğa qoldau körsetu maqsatında kompaniya tabısınıñ bir böligin arnayı qorğa audaruğa nietti ekenin mälimdedi. "Ekinşi deñgeydegi bankter janınan arnayı qor aşıp, osı iske üles qosqım keledi. Öz kompaniyamnıñ tabısınıñ 10 payızın balalar qorına twraqtı türde audarıp otıratın bolamın",- dedi ol. Al Rafael' Gasanov qamqorşı otbasılarğa alğıs aytıp, balalardıñ jarqın bolaşağına bağıttalğan jobalardı qoldauğa dayın ekenin bildirdi. Merekelik bağdarlamanıñ koncerttik böliginde Qazaqstannıñ eñbek siñirgen qayratkeri Tolqın Zabirova, Baqıtjan Bayqadamov atındağı Memlekettik hor kapellasınıñ änşisi Qalamqas Qadırbaeva, jas önerpazdar Ädik Jeksenwlı, İnju Änuarbek, Ğalamat Beyseqoja jäne "Jiger-Janat" dueti öner körsetti. Sonday-aq "Iqılas" etno-ansambli wlttıq äuenderden şaşu şaştı. Keş soñında balalar men qamqorşı otbasılarğa arnalğan merekelik bağdarlama jılı jüzdesuge wlastı. Şara qatısuşıları balağa otbasılıq jılu men twraqtı qoldau körsetudiñ mañızın tağı bir märte ayqındadı. Qamqorşı otbası - balağa jaña mümkindik pen jarqın bolaşaq sıylaytın orta. Osınday otbasılardıñ eñbegin bağalau - qoğamnıñ ortaq mindeti.