Қазақстан Республикасы Ұлттық қауіпсіздік комитеті «Самұрық-Қазына» ұлттық әл-ауқат қорының басқарма төрағасы Нұрлан Жақыпов пен «Қазақстан темір жолы» ұлттық компаниясының басшысы Елжас Отыншиевтің ұсталғанын растады.

ҰҚК-нің 2026 жылғы 12 қарашада жариялаған ресми мәліметіне сәйкес, екі басшы да 11 қарашада Сыбайлас жемқорлыққа қарсы іс-қимыл қызметі тарапынан ұсталған. Сонымен қатар сыбайлас жемқорлық қылмысын жасады деген күдікке ілінген өзге де адамдар қолға түскен.

Қазіргі уақытта істің барлық мән-жайын анықтау мақсатында тергеу амалдары жүргізіліп жатыр. Ұлттық қауіпсіздік комитеті Қылмыстық-процестік кодекстің 201-бабына сәйкес сотқа дейінгі тергеп-тексеру барысы туралы өзге ақпарат жария етілмейтінін хабарлады. Сыбайлас жемқорлыққа қарсы күрес жұмыстары «Заң мен тәртіп» қағидаты аясында жалғасатынын атап өтті.