Ispaniyanıñ Barselona qalasında twrğın üy bağasınıñ qımbattauı men ömir süru qwnınıñ ösuine qarsı ötken jappay narazılıq şerui kezinde policiya men demonstranttar arasında qaqtığıs boldı.

11 qaraşada Ispaniyanıñ birqatar qalasında jalpıwlttıq ereuil wyımdastırılıp, mıñdağan adam köşege şıqtı. Narazılıq bildiruşiler baspana bağasın tömendetudi, jaldau aqısına şekteu qoyudı jäne halıqtıñ äleumettik jağdayın jaqsartudı talap etti. Barselonadağı şeru bastapqıda beybit sipatta ötti. Alayda keşki uaqıtta jağday şielenisip, keybir qatısuşılar dükenderdiñ terezelerin sındırğan, qoqıs konteynerlerin örtegen jäne policiya qızmetkerlerine pirotehnikalıq zattar laqtırğan. Qoğamdıq tärtipti qalpına keltiru maqsatında policiyanıñ arnayı bölimşeleri jwmıldırıldı. Qala biliginiñ mälimetinşe, oqiğağa baylanıstı birneşe adam wstalğan. Barselona meri Jaume Kollboni qoğamdıq tärtipti bwzu äreketterin ayıptap, mwnday äreketterge jol berilmeytinin mälimdedi.

Ayta keteyik, twrğın üy bağasınıñ ösui men jaldau aqısınıñ qımbattauı Ispaniyadağı özekti äleumettik mäselelerdiñ biri bolıp otır. Bwl jağday soñğı jıldarı halıq narazılığınıñ küşeyuine sebep boluda.