Qazaqstan mwsılmandarı dini basqarması (QMDB) kündelikti qarım-qatınasta arab jäne özge tilderden engen dini sözderdiñ ornına qazaqşa balamalardı qoldanuğa şaqırdı.

Dini basqarmanıñ mälimdeuinşe, Qwran ayattarın, namazdağı dwğalar men zikirlerdi arab tilinde oqu tärtibiniñ özindik mäni bar. Alayda kündelikti söylesu kezinde qazaq tilinde bwrınnan qalıptasqan sözderdi qoldanğan jön. Mäselen, QMDB «iftar» söziniñ ornına «auızaşar», al «suhur» söziniñ ornına «säresi» atauların paydalanudı wsındı. Sonday-aq bes uaqıt namazdı «tañ», «besin», «ekinti», «aqşam» jäne «qwptan» dep atauğa ündedi. Bwdan bölek, «ahi», «uhti», «abla», «abi», «brat» jäne «sestra» sözderiniñ ornına «bauırım», «ağam», «inim», «äpkem», «apam», «qarındasım» degen qazaqşa ataulardı qoldanu qajettigi aytıldı.

QMDB ökilderiniñ pikirinşe, ana tilindegi qalıptasqan sözderdi paydalanu – wlttıq tildik mwra men sıylastıq dästürin saqtaudıñ bir jolı. Ayta keteyik, bwl mälimdeme Memleket basşısı Qasım-Jomart Toqaevtıñ Halıqaralıq «Qazaq tili» qoğamınıñ X qwrıltayında kötergen mäselelerinen keyin jariyalandı.