Общество

Автор: ADMIN

Общество 2026-11-15 11:50:13

Біз әлеуметтік желілерде:

كولىك مينيسترلىگى بالالار ارباسىن تاسىمالداۋ ەرەجەلەرىن قايتا قاراماق,- دەپ حابارلايدى “Shalqar.kz”.

news single

قازاقستان رەسپۋبليكاسىنىڭ كولىك مينيسترلىگى بالالار ارباسىمەن قوعامدىق كولىكتە جۇرەتىن اتا-انالاردىڭ وتىنىشتەرىنەن كەيىن قولدانىستاعى تاسىمالداۋ ەرەجەلەرىن قايتا قاراۋعا شەشىم قابىلدادى. بۇل تۋرالى پرەمьەر-مينيستردىڭ ورىنباسارى – كولىك مينيسترى اسەل جاناسوۆا 15 قاراشادا Facebook پاراقشاسىندا مالىمدەدى.

مينيستردىڭ ايتۋىنشا, اتا-انالاردان تۇسكەن وتىنىشتەر مەن سۇراقتاردى ەسكەرە وتىرىپ, ەرەجەلەردى قايتا قاراۋ تۋرالى شەشىم قابىلدانعان. بۇل ەكىۇشتى تۇسىندىرۋلەردىڭ الدىن الىپ, جولاۋشىلاردىڭ قاۋىپسىزدىگى مەن قولايلىلىعىن قامتاماسىز ەتۋگە باعىتتالعان. بۇعان دەيىن الەۋمەتتىك جەلىلەردە بالالار ارباسىمەن اۆتوبۋستارعا كىرۋگە شەكتەۋ قويىلۋى مۇمكىن دەگەن اقپارات تاراعان ەدى. الايدا مينيسترلىك قولدانىستاعى قاعيدالاردا مۇنداي تىيىم جوق ەكەنىن تۇسىندىردى. ەرەجەگە سايكەس, اۆتوبۋس شامادان تىس تولعان جاعدايدا جانە اتا-اناعا ارنالعان بوس ورىن بولعان كەزدە بالالار ارباسىن بۇكتەپ تاسىمالداۋ كوزدەلگەن. دەگەنمەن, اربانى جيناۋ قولايسىز بولسا, اتا-انا ساپارىن ونى جايىلعان كۇيىندە جالعاستىرا الادى. بۇل ۇشىن ايىپپۇل سالۋ نەمەسە جولاۋشىنى اۆتوبۋستان تۇسىرۋ قاراستىرىلماعان.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться