2025 جىلدان باستاپ قازاقستان مەكتەپتەرىندە وقۋشىلار تەك قازاق پەن ورىس ادەبيەتىمەن شەكتەلمەي, الەم كلاسسيكتەرىنىڭ شىعارمالارىمەن دە تەرەڭىرەك تانىسۋى مۇمكىن. بۇل تۋرالى وقۋ-اعارتۋ مينيسترلىگى مالىمدەدى,دەپ حابارلايدى Shalqar.kz.

مينيسترلىكتىڭ دەرەگىنشە, 2025 جىلعى 23 قاڭتاردا بەكىتىلگەن جاڭا بىلىم بەرۋ ستاندارتىنا سايكەس, مەكتەپتەردە قازاق جانە ورىس ادەبيەتى پاندەرى مىندەتتى تۇردە وقىتىلادى. ال «الەم ادەبيەتى» پانىن مەكتەپتەر وز قالاۋى بويىنشا ەنگىزە الادى — بۇل پان ۆارياتيۆتى كومپونەنت اياسىندا جۇرگىزىلەدى.

ۆارياتيۆتى كومپونەنت دەگەنىمىز نە?
بۇل – پەداگوگتىڭ تاڭداۋى بويىنشا ساباقتان تىس وتكىزىلەتىن شىعارماشىلىق باعىتتاعى كۋرستار. ياعني, «الەم ادەبيەتى» پانىن ەنگىزۋ تۋرالى شەشىمدى مەكتەپتىڭ وزى قابىلدايدى, ال ونىڭ وقۋ باعدارلاماسىن مۇعالىمنىڭ وزى قۇراستىرادى.

مينيسترلىك ماماندارىنىڭ ايتۋىنشا, قازىرگى بىلىم ستاندارتى الەم ادەبيەتىن مىندەتتى پان رەتىندە قاراستىرمايدى. الايدا وقۋشىنى جاھاندىق مادەنيەتپەن تانىستىرۋعا مۇددەلى مەكتەپتەرگە بۇل باعىتتا جۇمىس ىستەۋگە جول اشىق.

وقۋلىقتار مەن تيپتىك باعدارلامالار بولسا, مەكتەپ تاڭداعان باعىتقا سايكەس باسپالار ارقىلى دايىندالادى.

ەگەر بۇل باستاما كەڭىنەن قولداۋ تاپسا, مەكتەپ وقۋشىلارى بولاشاقتا گيۋگو مەن حەمينگۋەيدى, سەرۆانتەس پەن كافكانى وقۋ باعدارلاماسى اياسىندا وقي الۋى ابدەن مۇمكىن.