بيىلعى مامىر ايى قازاقتىلدى كورەرمەندەر ۇشىن ەرەكشە جاڭالىقپەن باستالماق. الەمگە ايگىلى Disney ستۋديياسىنىڭ «ليلو جانە ستيچ» اتتى انيماتسييالىق فيلьمى العاش رەت قازاق تىلىنە دۋبلياجدالىپ, كينوتەاترلاردا كورسەتىلە باستايدى, دەپ حابارلايدى Shalqar.kz.

حالىقارالىق «قازاق تىلى» قوعامىنىڭ پرەزيدەنتى راۋان كەنجەحانۇلىنىڭ ايتۋىنشا, بۇعان دەيىن قازاق تىلىنە دۋبلياجدالعان فيلьمدەر كوبىنە دەمەۋشىلەر ەسەبىنەن جۇزەگە اسقان. الايدا سوڭعى جىلدان باستاپ ستۋدييالاردىڭ وزدەرى قازاق تىلىندە دۋبلياج جاساۋعا نيەت بىلدىرىپ, قاراجاتتى وز تاراپىنان بولىپ وتىر. ناتيجەسىندە, كورەرمەندەر Disney, Pixar سەكىلدى الپاۋىت ستۋدييالاردىڭ تۋىندىلارىن قازاقشا كورۋ مۇمكىندىگىنە يە بولۋدا.

2024 جىلى قازاق تىلىنە اۋدارىلىپ, پروكاتقا شىققان مۋلьتفيلьمدەر قاتارىندا Pixar ستۋديياسىنىڭ «ويجۇمباق» پەن «موانا», سونداي-اق «ۆەنوم» جانە «مۋفاسا: ارىستان پاتشاسى» فيلьمدەرى بولدى.

ال الداعى جەلتوقسان ايىندا كوپشىلىكتى تاعى بىر اۋقىمدى پرەمьەرا كۇتىپ تۇر — «اۆاتاردىڭ» ۇشىنشى بولىمى دە تۇپنۇسقامەن قاتار قازاق تىلىندە كورسەتىلەدى دەپ جوسپارلانعان.

ايتا كەتەيىك, مەملەكەت باسشىسى دا بۇعان دەيىن قازاق تىلىندە مۋلьتفيلьمدەر مەن كونتەنتتى كوبەيتۋ قاجەتتىگىن باسا ايتقان بولاتىن.