Qazaqstan men Birikken Arab Ämirlikteri arasındağı äue qatınası jaña deñgeyge köteriledi. 1 mausımnan bastap Air Arabia Abu Dhabi äuekompaniyası Almatığa tikeley reysterdi iske qosadı. Bwl jañalıq halıqaralıq sayahattardı wnatatındar üşin jağımdı jañalıq bolmaq, dep habarlaydı Shalqar.kz.

Aptasına üş ret – seysenbi, jwma jäne jeksenbi künderi orındalatın reyster Abu-Dabi men Almatını tikeley baylanıstıradı. Bwl bağıt arqılı tek turizm emes, sonımen qatar iskerlik jäne investiciyalıq baylanıstar da arta tüspek.

Azamattıq aviaciya komitetiniñ mälimetinşe, bwl bastama Qazaqstannıñ äue keñistigin keñeytip, halıqaralıq qatınastardı nığaytu maqsatında qolğa alınğan.

Air Arabia Abu Dhabi – Ämirlikterdiñ belsendi damıp kele jatqan äuekompaniyalarınıñ biri. Endi olardıñ bağıtına Qazaqstan da qosılıp otır.

Ayta keteyik, bwğan deyin 1 mamırdan bastap QazaqAir Özbekstanğa jaña bağıt aşatının habarlağan. Al sol künnen bastap Tailandqa kiru erejeleri de özgeredi.