Elordada 1 mamır – Qazaqstan halqınıñ birligi küni ayasında ötken «Birlik jügirisi-2025» respublikalıq jarısına 3 mıñnan astam adam qatıstı. Auqımdı is-şara Qazaqstan halqı Assambleyasınıñ 30 jıldığına arnaldı, dep habarlaydı Shalqar.kz.

«Birlikke 30 jıl – Assambleyağa 30 jıl» wranımen ötken marafonğa käsibi sportşılardan bastap belsendi ömir saltın wstanatın azamattarğa deyin türli jastağı jäne wlt ökilderi qatıstı. Qatısuşılar EXPO qalaşığınan bastap «Bäyterek» monumentine deyingi bağıttı jügirip ötti.

Jarıs bir uaqıtta elimizdiñ 20 öñirinde wyımdastırılıp, dostıq pen birliktiñ nışanına aynaldı. Qatısuşılar tek qaşıqtıqtı eñserip qana qoymay, «Taza Qazaqstan» ekologiyalıq akciyasına da üles qostı.

Marafon birneşe sanatta ötti: eñ jas jäne erekşe qajettilikteri bar azamattar üşin 1 km qaşıqtıq, skandinaviyalıq jüris (5 km), jappay jügiru (10 km), käsibi sportşılar üşin 21,1 km jäne komandalıq estafeta (30 km).

Wyımdastıruşılardıñ aytuınşa, mwnday şaralar halıqtı biriktirip qana qoymay, salauattı ömir saltın nasihattauğa serpin beredi.