Қазақстанда әлеуметтік маңызы бар кейбір азық-түлік тауарларының бағасы төмендеді. Атап айтқанда, жұмыртқа, сүт, ет арзандап, ұн, нан, күріш және рожки бағасы өзгеріссіз қалды, деп хабарлайды Shalqar.kz.

Қандай өнімдер арзандады?
2025 жылдың 22–29 сәуір аралығындағы дерек бойынша:
 • Жұмыртқа – 0,5%
 • Сүзбе – 0,2%
 • Сары май, сиыр еті, тауық еті, сүт – 0,1%-ға арзандаған.
Ұн, нан, күріш пен рожки бағасында өзгеріс жоқ.

Сауда және интеграция министрлігі өткізген жиында сиыр етінің бағасы жеке талқыланды. Қабылданған шаралар нәтижесінде баға өсімі бір аптада 0,3%-дан 0,1%-ға дейін төмендеген.
Маңызды шешімдер қатарында:
 • Ірі қара малды елден шығаруға үш айлық тыйым
 • Делдалсыз ауыл шаруашылығы жәрмеңкелерін күнделікті өткізу

Азық-түлік нарығы қалай тұрақталады?
 • Шекарадағы бақылау күшейтіледі
 • Рұқсатсыз ауыл шаруашылығы өнімдерін шығаруға жол берілмейді
 • Аймақтардағы жәрмеңкелер саны көбейеді
 • Жергілікті өндірушілер тікелей қатысады
 • Жылжымалы ветеринарлық зертханалармен жабдықтау қарастырылып жатыр

Ішкі нарықты толықтыру үшін импорттық көкөністер жеткізу, оларды шекарада жедел рәсімдеу және арнайы «жасыл дәліз» іске қосу да жоспарда.