Qazaqstanda 22 mamır men 1 mausım aralığında alğaş ret Halıqaralıq balalardı qorğau künine arnalğan wlttıq auqımdağı nauqan ötude. «Qazaqstan balaları» dep atalğan bwl bastama – memleket basşısı Qasım-Jomart Toqaevtıñ Wlttıq qwrıltayda aytqan tapsırmasına säykes qolğa alınğan, dep habarlaydı Shalqar.kz tilşisi Sırtqı İster ministrligine silteme jasap.

Prezident atap ötkendey, balalarğa qamqor bolu – barşa qoğamnıñ ortaq mindeti. Bwl nauqannıñ negizgi maqsatı – balalardıñ qauipsiz, meyirimdi ortada ömir süruine jağday jasau, bala qwqığın qorğau men olardıñ mäselelerine qoğam nazarın audaru.

Mereke aldındağı is-şaralar «Äkem – tiregim, anam – jüregim» wranımen bastaldı. QR Mädeniet jäne aqparat ministrliginiñ wyımdastıruımen ötken bwl nauqan otbası rölin ayqındauğa bağıttalğan.

Elimizdiñ barlıq öñirinde:
 • Teatrlıq jäne koncerttik bağdarlamalar
 • Balalarğa arnalğan sporttıq jarıstar men şığarmaşılıq bayqaular
 • Muzeyler men kitaphanalarda arnayı körmeler
 • Otbasın qoldau ortalıqtarında aşıq esik künderi ötti.

Alğaşqı künniñ özinde «Qazaqstan balaları» nauqanına el boyınşa jartı millionnan astam adam qatısıp, qoğamnıñ bala bolaşağına bey-jay qaramaytının körsetti.