بىلىم سالاسىنداعى كۇتپەگەن شەشىم: اقش-تىڭ ىشكى قاۋىپسىزدىك مينيسترلىگى ايگىلى گارۆارد ۋنيۆەرسيتەتىن شەتەلدىك ستۋدەنتتەردى قابىلداۋ قۇقىعىنان ايىردى. ەندى الەمدەگى ەڭ بەدەلدى وقۋ ورىندارىنىڭ بىرى حالىقارالىق ستۋدەنتتەرگە ەسىگىن جاۋىپ وتىر, دەپ حابارلايدى Shalqar.kz.

بۇل شەشىمگە سايكەس, گارۆارد ەندى جاڭا شەتەلدىك ستۋدەنتتەردى قابىلداي المايدى, ال قازىر وقىپ جاتقان حالىقارالىق ستۋدەنتتەر وقۋىن باسقا ۋنيۆەرسيتەتكە اۋىستىرۋى تيىس. ايتپەسە, اقش-تاعى لەگالدى مارتەبەسىنەن ايىرىلۋى مۇمكىن.

قازاقستاندىقتار دا بۇل جاعدايدان تىس قالمادى. عىلىم جانە جوعارى بىلىم مينيسترلىگىنىڭ باسپاسوز حاتشىسى ولجاس بەركىنباەۆتىڭ مالىمەتىنشە, قازىرگى تاڭدا “بولاشاق” باعدارلاماسى ارقىلى گارۆاردتا 7 قازاقستاندىق بىلىم الىپ جاتىر.

– بىزگە گارۆاردقا بايلانىستى كوپ ساۋال كەلىپ تۇسۋدە. قازىرگى ۋاقىتتا بىز تەك “بولاشاق” باعدارلاماسىنا قاتىستى اقپاراتتى راستاي الامىز. وز قاراجاتىنا نەمەسە باسقا باعدارلامالارمەن وقىپ جاتقان ازاماتتار تۋرالى مالىمەت جوق, – دەپ جازدى بەركىنباەۆ Facebook پاراقشاسىندا.

ايتا كەتەيىك, گارۆاردقا قاتىستى داۋ 2024 جىلدىڭ ساۋىرىندە باستالعان. ۋنيۆەرسيتەت دونالьد ترامپ اكىمشىلىگىنىڭ تالاپتارىن – باعدارلامالارعا اۋديت جۇرگىزۋ جانە ستۋدەنتتەر مەن وقىتۋشىلاردىڭ كوزقاراسىن باقىلاۋ – ورىنداۋدان باس تارتقان. وسىدان كەيىن ۋنيۆەرسيتەت 2,2 ملرد دوللارلىق فەدەرالدى گرانتتان ايىرىلدى.