اباي اتىنداعى قازاق ۇلتتىق وپەرا جانە بالەت تەاترىندا وتكەن ەسەپتىك كونتسەرت بي الەمىنىڭ شىنايى مەرەكەسىنە اينالدى. الەكساندر سەلەزنيوۆ اتىنداعى الماتى حورەوگرافييا ۋچيليщەسىنىڭ 79-شى تۇلەكتەرى ساحنا تورىنە شىعىپ, جىلدار بويعى ەڭبەكتىڭ جەمىسىن پاش ەتتى, دەپ حابارلايدى Shalqar.kz.

شارادا كلاسسيكالىق بالەتتەن باستاپ ۇلتتىق جانە زاماناۋي باعىتتارعا دەيىنگى تۇرلى ستيلьدەر كورىنىس تاپتى. شوپەننىڭ مۋزىكاسىنا قويىلعان نازىك «شوپەنيانا» بالەتى, ايگىلى «ۇيقىداعى ارۋ», «دون كيحوت», «قاراقشى», «ارلەكينادا», «بايادەركا» سپەكتاكلьدەرىنەن ۇزىندىلەر – بارى دە كورەرمەننىڭ كوزايىمىنا اينالدى.

ۇلتتىق جانە حالىق بيلەرى كورەرمەندى قازاق مادەنيەتىنىڭ تەرەڭدىگى مەن بايلىعىنا تاعى بىر مارتە سۇيسىندىردى. ال زاماناۋي حورەوگرافييا – بۇگىنگى جاستاردىڭ كرەاتيۆتى ويلاۋى مەن ونەرگە دەگەن جاڭا كوزقاراسىن ايقىن كورسەتتى.

زالدا وتىرعان كورەرمەن ار قويىلىمدى ىستىق ىقىلاسپەن قارسى الىپ, ستۋدەنتتەردىڭ كاسىبي دەڭگەيىنە جوعارى باعا بەردى. بۇل كەش – تەك كونتسەرت قانا ەمەس, قازاقستاننىڭ حورەوگرافييا ونەرىندەگى ۇمىتتى ەسىمدەردىڭ تۇساۋكەسەرى بولدى.