قازاقستاندا اقىلى جولدار سانى ايتارلىقتاي كوبەيمەك. كولىك مينيسترى مارات قاراباەۆتىڭ ايتۋىنشا, بيىل جوندەۋ جۇمىستارى اياقتالعان سوڭ تاعى 29 تاسجول ۋچاسكەسىنە جول اقىسى ەنگىزىلەدى. بۇل جولداردىڭ جالپى ۇزىندىعى – 6,2 مىڭ شاقىرىم, دەپ حابارلايدى Shalqar.kz.

بۇگىنگى تاڭدا 3,2 مىڭ شاقىرىمدى قۇرايتىن 17 جول اقىلى جۇيەمەن جۇمىس ىستەپ تۇر. بىلتىر وسى جولداردان 48 ميلليارد تەڭگە جينالعان. ال بيىل بۇل كورسەتكىش 100 ميلليارد تەڭگەدەن اسادى دەپ كۇتىلۋدە.

“جينالعان قاراجات بولاشاقتا جولداردى كۇتىپ ۇستاۋعا, تەحنيكا ساتىپ الۋعا جانە بۇرىن الىنعان قارىزداردىڭ پايىزىن وتەۋگە جۇمسالۋى مۇمكىن”, – دەدى مينيستر سەناتتاعى ۇكىمەت ساعاتىندا.