“ۇلتتىق قور – بالالارعا” باعدارلاماسى اياسىندا بۇگىندە ەلىمىزدەگى 7 ميلليونعا جۋىق بالانىڭ اتىنا قارجى اۋدارىلىپ ۇلگەردى. بۇل – مەملەكەتتىڭ بولاشاق ۇرپاققا جاساعان ناقتى قامقورلىعىنىڭ بىر كورىنىسى, دەپ حابارلايدى Shalqar.kz.

باعدارلاما 2024 جىلدىڭ 1 قاڭتارىنان باستاپ رەسمي تۇردە ىسكە قوسىلدى. ەرەجەگە سايكەس, 2006 جىلدان باستاپ دۇنيەگە كەلگەن اربىر بالاعا جىل سايىن ۇلتتىق قوردان قاراجات بولىنەدى. جيناق تەك 18 جاسقا تولعاندا بەرىلەدى جانە ونى تەك تۇرعىن ۇي الۋعا نەمەسە وقۋعا جۇمساۋعا بولادى.

قارجى مينيسترلىگىنىڭ مالىمەتىنشە, 2023 جىلى 6 919 131 بالا باعدارلاما قاتىسۋشىسى اتانىپ, ارقايسىسىنىڭ شوتىنا $100,52 ەسەپتەلدى. جالپى سوما – $695,5 ملن.

2024 جىلى سول بالالاردىڭ ىشىندە 304 815-ى 18 جاسقا تولىپ, ولارعا $30,6 ملن-نان استام قاراجات بەرىلدى. ال 2025 جىلى بۇل كورسەتكىش 6 921 035 بالاعا جەتەدى, ونىڭ ىشىندە 324 430-ى 18 جاسقا تولادى, ولار ۇشىن $129,38 ملن كولەمىندە قارجى قاراستىرىلعان.

بۇل – بالالاردىڭ بولاشاعىنا باعىتتالعان تۇراقتى قارجىلىق قولداۋ جۇيەسى. ەندى اتا-انا دا, بالا دا ەرتەڭگى كۇنگە سەنىممەن قاراي الادى.