Қазақстанда криптовалюта арқылы төлем жасауға мүмкіндік беретін «криптокарта» жобасы іске қосылды. Енді цифрлық актив иелері өз қаражатын күнделікті төлемдерге пайдалана алады, деп хабарлайды Shalqar.kz сайты Ұлттық банкке сілтеме жасап.

Жаңа жүйе АХҚО-да (Астана халықаралық қаржы орталығы) тіркелген лицензияланған криптобиржалардың әмияндары арқылы жұмыс істейді. Төлем жасау сәтінде криптоактив автоматты түрде сатылып, баламалы сома банк картасына (fiat ақша түрінде) аударылады — осылайша төлем бірден жүзеге асады.

Криптокарта қалай жұмыс істейді?
 • Төлем кезінде криптовалютаңыз сатылады;
 • Құны банк картасына түседі;
 • Төлем шынайы теңгемен жүргізіледі;
 • Бұл процесс бірнеше секундта орындалады.

   Қандай өзгерістер күтіледі?
Ұлттық банк крипто мен цифрлық қаржы нарығын кеңейту үшін келесі жобаларды қолға алған:
 • Ұлттық валютамен (соның ішінде цифрлық теңгемен) қамтылған стейблкоиндар шығару;
 • Жылжымайтын мүлік пен қаржы активтерін токенизациялау;
 • Бағалы қағаздарға теңестірілген цифрлық токендер әзірлеу;
 • Криптовалютаны сақтау және айырбастау қызметтерін дамыту.

Мұның барлығы Қазақстанды өңірдегі жетекші цифрлық қаржы орталықтарының біріне айналдыруға бағытталған. Заңнамалық өзгерістер де дайындалып жатыр.