قازاقستانداعى 3000-نان استام اۋىل جوعارى جىلدامدىقتى ينتەرنەتكە قوسىلادى. بۇل – تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگى مەن “قازاقتەلەكوم” اق اراسىنداعى جاڭا ينۆەستيتسييالىق كەلىسىمنىڭ ناتيجەسى, دەپ حابارلايدى Shalqar.kz.

جوبانىڭ باستى ماقساتى — اۋىل مەن قالانىڭ تسيفرلىق تەڭدىگىن قامتاماسىز ەتۋ.

– تالشىقتى-وپتيكالىق جەلىلەر قۇرىلىسى 2026 جىلدىڭ سوڭىنا دەيىن اياقتالادى (باستاپقى جوسپاردان بىر جىل بۇرىن).
– شالعاي ايماقتار 2027 جىلدىڭ سوڭىنا دەيىن جەرسەرىكتىك ينتەرنەتپەن قامتىلادى.
– ناتيجەسىندە, اۋىلداردىڭ 99%-ى ينتەرنەتپەن قامتاماسىز ەتىلەدى.

جەلىگە ەڭ الدىمەن مىنا نىساندار قوسىلادى:
– مەكتەپتەر
– اۋرۋحانالار
– اكىمدىكتەر
– شەكارا بەكەتتەرى
– بيۋدجەتتىك ۇيىمدار مەن قوعامدىق Wi-Fi نۇكتەلەرى

جالپى العاندا, اۋىلداردىڭ 88%-ى – تالشىقتى-وپتيكالىق, ال 12%-ى – سپۋتنيكتىك ارنالارمەن قوسىلادى.

جوباعا 239 ميلليارد تەڭگەدەن استام ينۆەستيتسييا تارتىلعان. ەڭ باستىسى – بۇل بيۋدجەتتەن تىس قاراجات, “قازاقتەلەكومنىڭ” ينفراقۇرىلىمدىق مۇمكىندىكتەرى ارقىلى جۇزەگە اسادى.

اۋىلداردا ۇيالى بايلانىستىڭ بازالىق ستانتسييالارى دا جاڭارتىلىپ, ساپاسى ارتادى. بۇل – موبيلьدى ينتەرنەتتىڭ جىلدامدىعىن كوتەرىپ, بايلانىس ساپاسىن جاڭا دەڭگەيگە شىعارادى.

جاسلان ماديەۆ, مينيستر:
«بىزدىڭ ماقسات — تەك ينتەرنەت جەتكىزۋ ەمەس, اۋىلدى ەلدىڭ تسيفرلىق ەكوجۇيەسىنە تولىق ەنگىزۋ. بۇل بىلىم, دەنساۋلىق, مەملەكەتتىك قىزمەتتەرگە تەڭ قولجەتىمدىلىكتى قامتاماسىز ەتەدى».

باعدات مۋسين, “قازاقتەلەكوم” باسشىسى:
«اۋىل بالاسى مەن قالا بالاسىنىڭ مۇمكىندىگى بىردەي بولۋى كەرەك. تسيفرلىق تەڭسىزدىك جويىلۋى تيىس. ينتەرنەت — سان ەمەس, ول — بازالىق قاجەتتىلىك».