Oñtüstik Koreya astanası Seulde ötken Seoul International Tourism Fair (SITF 2025) halıqaralıq körmesinde Almatı qalası erekşe közge tüsti. Aziyadağı eñ iri turizm körmesine älemniñ 70 elinen 800-ge juıq turizm salasınıñ ökilderi qatıstı, dep habarlaydı Shalqar.kz.

Almatı bwrışı – qazaq wlttıq öneri men mädenietinen sır şertetin erekşe aymaqqa aynaldı. Qonaqtar dombıraşılardıñ önerin, qoldanbalı öner şeberlerin, wlttıq kiimder men tağamdardı tamaşalap, qazaq ruhınıñ auanımen tanıstı.

Körmeniñ jarqın sätteriniñ biri – VR-közildirik arqılı Almatığa virtualdı sayahat jasau mümkindigi boldı. Bwl – immersivti marketing täsilin qoldanğan elimizdiñ alğaşqı turizm jobalarınıñ biri.

Nätijesinde, Almatı bwrışı «SITF 2025 stendiniñ üzdik dizaynı» marapatına ie boldı. Bwdan bölek, körme ayasında şeteldik jäne otandıq turoperatorlar arasında 30 kelisim jasalıp, Almatığa 21 mıñğa juıq turist tartu josparlanıp otır.

Körme qonaqtarınıñ biri, Seul twrğını Kim Djiyun:

«Almatı – taudıñ etegindegi erekşe qala. Wlttıq bolmısı saqtalğanımen, zamanaui qalanıñ qarqını seziledi. Bir küni sol qalağa barıp, bärin öz közimmen köremin dep ümittenemin», – dep bölisti.

Ayta keteyik, Oñtüstik Koreyadan keletin turister sanı jıl sayın artıp keledi. 2024 jılı olardıñ sanı 20 mıñnan asıp, ötken jılmen salıstırğanda 3,2%-ğa köbeydi.