استانا كۇنى اياسىندا ۇيىمداستىرىلعان مەرەكەلىك وتشاشۋ ەلوردالىقتاردى ەرەكشە اسەرگە بولەدى. 6 شىلدە كۇنى كەشكىسىن بوتانيكالىق باق اۋماعىندا وتكەن بۇل شارانى تاماشالاۋعا 100 مىڭنان استام ادام جينالدى, دەپ حابارلايدى Shalqar.kz.

فەيەرۆەرك ساعات 23:00-دە باستالىپ, 5 مينۋتقا سوزىلدى. بۇل ۋاقىت ىشىندە اسپانعا 1 700-دەن استام وتشاشۋ اتىلىپ, قالانىڭ ۇستى تۇرلى تۇسكە بويالدى. شارا دەمەۋشىلەردىڭ قولداۋىمەن ۇيىمداستىرىلدى.
وسى كۇنى “استانا ارەنا” ماڭىندا وتكەن كونتسەرتتە قازىبەك قۇرايىش, اتى اڭىزعا اينالعان «دوس-مۇقاسان», جاستاردىڭ سۇيىكتىسى 6elucci, جانار دۇعالوۆا, الي وقاپوۆ, ليمبا جانە باسقا دا تانىمال ارتىستەر ونەر كورسەتتى.
اكىمدىكتىڭ حابارلاۋىنشا, قالا كۇنى اياسىندا 100-دەن استام مادەني-سپورتتىق ىس-شارا ۇيىمداستىرىلعان.