قازاقستان ۇلتتىق بانكى ەلىمىزدىڭ باستى زاڭىنىڭ 30 جىلدىعىنا ارناپ ەرەكشە نۋميزماتيكالىق تۋىندى دايىندادى. 2025 جىلعى 27 تامىزدان باستاپ قۇب-تىڭ رەسمي ينتەرنەت-دۇكەنىندە «ەستە قالاتىن وقيعالار مەن بىرتۋار ادامدار» سەريياسىنان «قازاقستان كونستيتۋتسيياسىنا 30 جىل» اتتى كوللەكتسييالىق مونەتالار ساتىلىمعا شىعادى, دەپ حابارلايدى Shalqar.kz.

بۇل مەرەكەلىك مونەتا التىن جالاتىلعان 925 سىنامدى كۇمىستەن سوعىلعان. سالماعى – 31,1 گرامم, ديامەترى – 38,61 مم. دايىندالۋ ساپاسى proof دەڭگەيىندە جاسالىپ, نومينالى 1 000 تەڭگەگە تەڭ. تارالىمى شەكتەۋلى – بار-جوعى 1 000 دانا. مونەتالار قازاقستان تەڭگە سارايىندا شىعارىلدى.

ايتا كەتەيىك, بۇعان دەيىن, 2025 جىلدىڭ 29 شىلدەسىنەن باستاپ ۇلتتىق بانك «ۇلى قولباسشىلار» سەريياسىنان «ALEXANDER THE GREAT» كوللەكتسييالىق مونەتالارىن دا ساتىلىمعا شىعارعان ەدى.