Қазақстан Ұлттық банкі жаңа үлгідегі банкноттарды шығаратынын мәлімдеді. Алдымен 2025 жылдың төртінші тоқсанында 500 теңгелік жаңа банкноттар қолданысқа енсе, 2026 жылы 20 000 теңгелік жаңа қағаз ақша айналымға шығады, деп хабарлайды Shalqar.kz Tengrinews.kz-ке сілтеме жасап.

Реттеуші бұл шешім туралы Tengrinews.kz редакциясының ресми сауалына берген жауабында хабарлаған.

Айта кетейік, бұған дейін, 2024 жылдың басында Ұлттық банк 500 теңгеден бастап 20 000 теңгеге дейінгі барлық банкноттардың жаңартылатынын мәлім еткен болатын. Жаңа дизайндағы ақша белгілері кезең-кезеңімен енгізіледі.