Қазан айының соңынан бастап Алматыдан Мәскеуге тікелей теміржол қатынасы іске қосылады. Бұл бағытта вагондар алдымен Саратовқа жетіп, одан әрі Мәскеуге жалғасатын пойызға тіркелмек. Осылайша қазақстандықтар екі қала арасында ыңғайлы әрі үздіксіз қатынауға мүмкіндік алады, деп хабарлайды Shalqar.kz.

“Жолаушылар тасымалы” АҚ мәліметінше, жаңа бағыт 26 қазаннан бастап жұмыс істейді. Алматыдан шыққан вагондар №7/8 “Алматы – Саратов” пойызына қосылып, “Саратов” стансасына дейін барады. Сол жерден олар №85/86 “Дербент – Мәскеу” пойызына тіркеліп, “Мәскеу” стансасына дейін жетеді.

“Алматы – Мәскеу” тікелей вагондары күнара жүрмек. Құрамында бір купе және бір плацкарт вагоны бар.