قازاقستاندا مەملەكەتتەن الەۋمەتتىك قولداۋ الاتىن ازاماتتاردىڭ ناقتى ساناتتارى بەكىتىلدى. تيىستى بۇيرىققا پرەمьەر-مينيستردىڭ ورىنباسارى – ۇلتتىق ەكونوميكا مينيسترى سەرىك جۇمانعارين قول قويدى, دەپ حابارلايدى Shalqar.kz.

جاڭا سالىق كودەكسى اياسىندا دايىندالعان بۇل قۇجات 2026 جىلدىڭ 1 قاڭتارىنان باستاپ كۇشىنە ەنەدى. الەۋمەتتىك كومەككە قۇقىعى بار ازاماتتار قاتارىنا مىناداي ساناتتار كىرەدى:

 1. ارناۋلى مەملەكەتتىك جاردەماقى الۋشىلار;

 2. مەملەكەتتىك الەۋمەتتىك جاردەماقى الۋشىلار;

 3. ارناۋلى الەۋمەتتىك قىزمەت الۋشىلار;

 4. زەينەتاقى تولەمدەرىن الاتىن مۇگەدەكتىگى بار ادامدار;

 5. 18 جاسقا تولماعان جەتىم بالالار جانە اتا-اناسىنىڭ قامقورلىعىنسىز قالعاندار;

 6. اتاۋلى الەۋمەتتىك كومەك الۋشىلار;

 7. دەنساۋلىق ساقتاۋ مينيسترىنىڭ 2020 جىلعى №قر دسم-108/2020 بۇيرىعىندا كورسەتىلگەن الەۋمەتتىك ماڭىزى بار اۋرۋلارى بار تۇلعالار;

 8. اينالاداعىلار ۇشىن قاۋىپ توندىرەتىن اۋرۋلار تىزىمىنە ەنگىزىلگەن سىرقاتى بار ادامدار (№قر دسم-162/2020 بۇيرىعى);

 9. ەكى ايدان استام ۋاقىتقا ەڭبەككە جارامسىزدىق مەرزىمى بەلگىلەنگەن اۋرۋلارى بار تۇلعالار (№1033 بۇيرىق);

 10. سوزىلمالى اۋرۋلاردىڭ اۋىر تۇرلەرىمەن اۋىراتىن ازاماتتار (№قر دسم-14 بۇيرىعى).

ايتا كەتەيىك, بۇعان دەيىن پرەزيدەنت قاسىم-جومارت توقاەۆ 2026 جىلدان باستاپ قولدانىسقا ەنگىزىلەتىن جاڭا سالىق كودەكسىنە قول قويعان بولاتىن.