Қазақстан Республикасының Ұлттық музейінде «Оғыз дала мәдениетінің іздері» атты халықаралық көрме өз жұмысын бастады. Шара ҚР Мәдениет және ақпарат министрлігінің қолдауымен ұйымдастырылды, деп хабарлайды Shalqar.kz.

Көрме аясында тарихшылар мен археологтар оғыз тайпаларының мәдени мұрасын талқылайтын ғылыми семинар өтті. Экспозицияға Ұлттық музей, Қызылорда облыстық өлкетану музейі және Қорқыт Ата атындағы университет қорынан жиналған 300-ге жуық түпнұсқа жәдігер қойылды. Көрермендер Жанкент қалашығынан табылған археологиялық олжаларды, VIII–XI ғасырлардағы діни наным-сенімдерді иммерсивті технологиялар арқылы тамашалай алады.

Көрме 2025 жылдың 25 қазанына дейін жалғасады және ұлттық мұраның әлемдік өркениеттегі орнын паш ететін маңызды мәдени жоба саналады.