قازاقستان رەسپۋبليكاسىنىڭ ۇلتتىق مۋزەيىندە «وعىز دالا مادەنيەتىنىڭ ىزدەرى» اتتى حالىقارالىق كورمە وز جۇمىسىن باستادى. شارا قر مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلدى, دەپ حابارلايدى Shalqar.kz.

كورمە اياسىندا تاريحشىلار مەن ارحەولوگتار وعىز تايپالارىنىڭ مادەني مۇراسىن تالقىلايتىن عىلىمي سەمينار وتتى. ەكسپوزيتسيياعا ۇلتتىق مۋزەي, قىزىلوردا وبلىستىق ولكەتانۋ مۋزەيى جانە قورقىت اتا اتىنداعى ۋنيۆەرسيتەت قورىنان جينالعان 300-گە جۋىق تۇپنۇسقا جادىگەر قويىلدى. كورەرمەندەر جانكەنت قالاشىعىنان تابىلعان ارحەولوگييالىق ولجالاردى, VIII–XI عاسىرلارداعى دىني نانىم-سەنىمدەردى يممەرسيۆتى تەحنولوگييالار ارقىلى تاماشالاي الادى.

كورمە 2025 جىلدىڭ 25 قازانىنا دەيىن جالعاسادى جانە ۇلتتىق مۇرانىڭ الەمدىك وركەنيەتتەگى ورنىن پاش ەتەتىن ماڭىزدى مادەني جوبا سانالادى.