ماسكەۋدىڭ ترەتьياكوۆ گالەرەياسىندا ابىلحان قاستەەۆ اتىنداعى قر مەملەكەتتىك ونەر مۋزەيى ازىرلەگەن «قازاقستان ونەرىنىڭ جاۋھارلارى» اتتى كورمە اشىلدى. ىس-شارا رەسەي فەدەراتسيياسىندا قازاقستان رەسپۋبليكاسىنىڭ مادەني كۇندەرى اياسىندا وتىپ جاتىر. سالتاناتتى راسىمگە قر مادەنيەت جانە اقپارات مينيسترى ايدا بالاەۆا باستاعان قازاقستاندىق دەلەگاتسييا قاتىستى, دەپ حابارلايدى Shalqar.kz.

«رەسەيدەگى قازاقستاننىڭ مادەني كۇندەرى – ەكى ەل اراسىنداعى ىنتىماقتاستىقتىڭ ماڭىزدى كەزەڭى, ۇزدىكسىز ديپلوماتييالىق ديالوگتىڭ جەمىسى. بۇل اۋقىمدى جوبا ماسكەۋدىڭ جەتەكشى مادەنيەت الاڭدارىن قامتىپ, قازاقستاننىڭ زاماناۋي مادەني جەتىستىكتەرىنىڭ كەڭ پاليتراسىن – تەاتر مەن مۋزىكادان باستاپ, كينو جانە بەينەلەۋ ونەرىنە دەيىن ۇسىنادى. كەيىنگى 34 جىلدا ماسكەۋدە قازاق سۋرەتشىلەرىنىڭ كورمەسى العاش رەت وتىپ وتىر. ا. قاستەەۆ اتىنداعى مەملەكەتتىك ونەر مۋزەيىنىڭ كارتينالارى «كرىمسكيي ۆال» گالەرەياسىندا ەڭ سوڭعى رەت 1991 جىلدىڭ تامىزىندا قويىلعان ەدى. سوندىقتان بۇگىنگى ەكسپوزيتسييانى بىز قازاقستان مەن رەسەي اراسىنداعى مادەني بايلانىستاردى نىعايتۋداعى جارقىن وقيعا ارى جاڭا بەلەس دەپ باعالايمىز», – دەدى ايدا بالاەۆا.

10-13 قازان ارالىعىندا قازاقستاندىق جانە شەتەلدىك كورەرمەنىنىڭ كوڭىلىنەن شىققان «ۆرەميا پاتريوتوۆ», «توقتا, تۇن!», «دوس-مۇقاسان», «1941 جىلدىڭ جازى», «90+1» فيلьمدەرى مەن «التىن ادام» مۋلьتفيلьمىن كورە الادى.
بارلىق فيلьم قازاق جانە ورىس تىلدەرىندە كورسەتىلەدى.

رەسەيلىك كورەرمەن ۇشىن 13 قازان كۇنى كىشى تەاتر ساحناسىندا «پاراسات مايدانى» سپەكتاكلى قويىلادى. قويىلىم – زاماناۋي ادامنىڭ رۋحاني ىزدەنىستەرى مەن ىشكى الەمىن سۋرەتتەيتىن پسيحولوگييالىق دراما. قازاق ادەبيەتىنىڭ كلاسسيگى تولەن ابدىك شىعارمالارى نەگىزىندە ساحنالانعان. سپەكتاكلьدى ق.قۋانىشباەۆ اتىنداعى قازاق مەملەكەتتىك اكادەمييالىق مۋزىكالىق-دراما تەاترىنىڭ اكتەرلەرى ساحنالايدى.

رەسەيدەگى قازاقستاننىڭ مادەني كۇندەرى قاراشا ايىندا قازاقستاندىق ونەرپازداردىڭ گالا-كونتسەرتىمەن قورىتىندىلانادى.