Автор: ADMIN
1600-دەن اسا جادىگەر. ونەر مۇراجايى اشىلدى
استانادا ونەر مۋزەيى اشىلدى. بۇل تۋرالى مادەنيەت جانە اقپارات مينيسترلىگىنىڭ باسپاسوز قىزمەتى مالىمدەدى, دەپ حابارلايدى Shalqar.kz.
مادەنيەت جانە اقپارات مينيسترى ايدا بالاەۆا 1600-دەن استام ۇلتتىق مۋزىكالىق اسپاپ قويىلعان مۋزەي ەكسپوزيتسيياسىمەن تانىستى.
"مۋزەيدە سيرەك كەزدەسەتىن جانە ۇمىت بولا باستاعان اسپاپتارعا ەرەكشە نازار اۋدارىلعان. اتاپ ايتساق, جەلبۋاز, مەس سىرناي, ۋىلدەك, تاستاۋىق جانە باسقا دا كونە اسپاپتار بار. بارلىق ەكسپوناتتى مۋزەي قىزمەتكەرلەرى قولدان جاساعان. سونىمەن قاتار, كوپشىلىككە ۇلتتىق كيىمدەر زالى مەن مەكەمەنىڭ شەبەرحاناسى كورسەتىلدى", - دەپ جازىلعان حابارلامادا.
مينيستردىڭ ايتۋىنشا, استانادا وسىنداي مۋزەيدىڭ اشىلۋى ۇلتتىق مادەنيەت پەن قولونەردى ناسيحاتتاۋعا زور ۇلەس قوسادى.
ونەر مۋزەيى XIX عاسىردىڭ سوڭىندا سالىنعان تاريحي مەكتەپ عيماراتىندا ورنالاسقان. 1982 جىلى بۇل نىسان رەسپۋبليكالىق ماڭىزى بار تاريح جانە مادەنيەت ەسكەرتكىشتەرى تىزىمىنە ەنگىزىلىپ, مەملەكەت قورعاۋىنا الىنعان. مۋزەيدە كونە مۋزىكالىق اسپاپتاردى قالپىنا كەلتىرۋ جانە ساقتاۋ شەبەرحاناسى جۇمىس ىستەيدى.
Басқалармен бөлісе отырыңыз
Пікірлер
Басты жаңалықтар
ۆ الماتى ناكازالي ۆوديتەلەي زا نوچنىە گونكي نا پروسپەكتە الь-فارابي
В Алматы наказали водителей за ночные гонки на проспекте Аль-Фараби
Последние новости
Almatıda tüngi jarıs wyımdastırğan jürgizuşiler jazalandı
الماتىدا تۇنگى جارىس ۇيىمداستىرعان جۇرگىزۋشىلەر جازالاندى
V Almatı nakazali voditeley za noçnıe gonki na prospekte Al'-Farabi
