Eñbek zañnamasına säykes, bala kütimi boyınşa demalıs anasımen qatar äkesine de beriledi. Täjiribe körsetip otırğanday, büginde qazaqstandıq er azamattar da osı qwqığın qoldanıp otır. Osı orayda Eñbek jäne halıqtı äleumettik qorğau ministrliginen alınğan derekterdi wsınamız, dep habarlaydı Shalqar.kz.

Äleumettik kodekstiñ 1-babı 26-tarmaqşasına säykes säbi düniege kelgen sätten bastap 1,5 jasqa deyin ata-ana mindetti äleumettik saqtandıru jüyesiniñ qatısuşısı retinde äleumettik tölem alu qwqığına ie. 

Eñbek kodeksiniñ 100-babına säykes jwmıs beruşi jwmısşığa bala üş jasqa tolğanğa deyin onıñ kütimine baylanıstı ata-anasınıñ tañdauı boyınşa balanıñ anasına ne äkesine jalaqısı saqtalmaytın demalıs beruge mindetti.

Sonday-aq Eñbek kodeksiniñ talaptarına säykes bala üş jasqa tolğanğa deyin onıñ kütimine baylanıstı jalaqı saqtalmaytın demalıs uaqıtında jwmısşınıñ jwmıs ornı (lauazımı) saqtaladı. 

Eñbek jäne halıqtı äleumettik qorğau ministrligi wsınğan statistika: 

— 2024 jılı 477 er adam bala kütimine baylanıstı demalıs alğan (äleumettik tölem aluşılardıñ 0,18%);

— 2025 jıldıñ 8 ayında 249 er adam bala kütimine baylanıstı demalısqa şıqqan (äleumettik tölem aluşılardıñ 0,15%).

Öñirlerge kelsek, 2025 jıldıñ 8 ayında Almatı qalası boyınşa 43 er adam (bala kütimi demalısındağı er adamdardıñ 17%), Astana qalası boyınşa 36 er adam (bala kütimi demalısındağı er adamdardıñ 14%) jäne Şımkent qalası boyınşa 24 er adam (bala kütimi demalısındağı er adamdardıñ 10%) demalıs alğan.

Tağı bir derek, 2024 jılı bala kütimimen demalıs alğan erlerge 1 mlrd teñge (äleumettik tölemniñ 0,25%), al 2025 jıldıñ 8 ayında 671 mln teñge (äleumettik tölemniñ 0,23%) äleumettik tölem jasalğan.

Eske sala ketsek, biıl säuirden bastap elimizde dekrettik tölem tärtibi özgerdi. Endi jalaqısı joğarı äyelderdiñ bala bosanğanı üşin alatın äleumettik tölemine şekteu qoyıladı.