قازاقستاندا اۆتوجانارماي قۇيۋ ستانسالارىنداعى جانار-جاعارماي باعاسى 16 قازان دەڭگەيىندە بەكىتىلدى. بۇل — اي-92 ماركالى بەنزين مەن ديزەلь وتىنىنا قاتىستى شەشىم, دەپ حابارلايدى ەنەرگەتيكا مينيسترلىگىنە سىلتەمە جاساعان Shalqar.kz.

ەنەرگەتيكا مينيسترلىگىنىڭ سايتىندا حابارلانعانداي, ەنگىزىلگەن ۋاقىتشا موراتورييدىڭ نەگىزگى پرينتسيپى – اي-92 بەنزينى مەن ديزەلь وتىنىنىڭ بولشەك ساۋدا باعاسىن اۆتوجانارماي قۇيۋ ستانسالارىندا (اجقس) 2025 جىلعى 16 قازانداعى دەڭگەيدە ساقتاۋ. ەل اۋماعىندا بىرىڭعاي شەكتى باعا بەلگىلەۋ قاراستىرىلماعان. مۇنداي يكەمدى تاسىل نارىقتاعى باسەكەلەستىكتى ساقتاپ قالۋعا مۇمكىندىك بەرىپ, وپەراتورلار اراسىنداعى باعا ايىرماشىلىعىن تۇسىندىرەدى.

قازىرگى تاڭدا ىرى جانارماي قۇيۋ بەكەتتەرىندە اي-92 ماركالى بەنزين باعاسى ليترىنە 213–239 تەڭگە, ديزەلь وتىنى 317–337 تەڭگە ارالىعىندا.

ەنەرگەتيكا مينيسترلىگى جاعدايدى تۇراقتاندىرۋ ماقساتىندا باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ, الدىن الۋ شارالارىن قولعا العانىن مالىمدەدى.

"16 قازاندا ىرى كوتەرمە جەتكىزۋشىلەر مەن جانارماي قۇيۋ ستانتسييالارى جەلىلەرى باسشىلارى قاتىسقان كەڭەس وتتى.

كەڭەستە ۇكىمەتتىڭ ججم باعاسىن ودان ارى كوتەرۋگە جول بەرمەۋ جونىندەگى ناقتى ۇستانىمى جەتكىزىلدى. بقدا تاراپىنان كۇندەلىكتى مونيتورينگ جۇرگىزىلىپ, قاجەت بولعان جاعدايدا مونوپوليياعا قارسى شارالار قابىلداناتىن بولادى", - دەلىنگەن مينيسترلىك حابارلاماسىندا.

مينيسترلىك مالىمەتىنشە, ەلىمىزدە جانارماي قورى 3–4 اپتاعا جەتكىلىكتى دەڭگەيدە جانە تۇراقتى تولىقتىرىلىپ وتىرادى. قازىرگى تاڭدا اي-92 بەنزينىنىڭ كولەمى 341 مىڭ توننانى, ديزەلь وتىنى – 405 مىڭ توننانى قۇرايدى.

"بۇل كورسەتكىشتەر باعانىڭ تۇراقتىلىعىن ساقتاۋعا مۇمكىندىك بەرەدى. ەكى وتاندىق مۇناي وڭدەۋ زاۋىتى شتاتتىق رەجيمدە جۇمىس ىستەپ تۇر. ال اتىراۋ مۇناي وڭدەۋ زاۋىتى جوسپارلى جوندەۋدەن كەيىن 25 قازاننان باستاپ كەزەڭ-كەزەڭىمەن ىسكە قوسىلادى, بۇل نارىقتاعى تەڭگەرىمدى نىعايتۋعا سەپتىگىن تيگىزەدى.

ەنەرگەتيكا مينيسترلىگى موراتورييدىڭ ساقتالۋىن باقىلاپ, ايماقتىق شتابتار مەن نارىق قاتىسۋشىلارى اراسىندا ۇيلەستىرۋ جۇمىستارىن جۇرگىزەدى. نارىقتاعى جاعداي ۇكىمەتتىڭ جىتى باقىلاۋىندا", - دەپ قوستى مينيسترلىك وكىلدەرى.