Elimizde mölşerlemesi 7-9 payız bolatın ipoteka üşin qosımşa 500 mlrd teñge bölindi. Ötinimderdi qabıldaudıñ jaña kezeñi biıl qaraşada bastaladı. Twrğın üy bağdarlamaları turalı tolığıraq Shalqar.kz-ten oqıñız.

Dağdarısqa qarsı şaralar ayasında Qazaqstanda subsidiyalanğan twrğın üy bağdarlamaların qoldaudı jalğastıru turalı şeşim qabıldandı. Bwl maqsatta "Naurız" jäne "Naurız jwmısker" ipotekalıq bağdarlamalarına qosımşa 500 mlrd teñge bölindi.

"Krışa" portalınıñ habarlauınşa, bağdarlamalar boyınşa ötinim qabıldaudıñ jaña kezeñi 2025 jıldıñ qaraşasına josparlanğan, biraq oğan qatısu şarttarı keyinirek habarlanadı.

"Qazir onıñ mehanizmderi oylastırılıp jatır: Jaña konkursqa ötinimder qabılday bastaymız nemese naurız ayında qatısqan, biraq şarttarğa say kelmegenderge nesie beremiz", - dedi "Otbası Banki" AQ basqarma törayımı Läzzat Ibragimova.

Ayta ketu kerek, bağdarlamağa qatısatın qwrılıs saluşılar aldağı üş jılda salınıp jatqan päterleriniñ bağasın osı deñgeyde wstap twru turalı kelisimderge qol qoyadı.

Esteriñizge sala keteyik, "Naurız" jäne "Naurız jwmısker" bağdarlamalarınıñ şarttarı tömendegidey:

7 payızdıq mölşerleme – halıqtıñ äleumettik osal tobı sanatındağı azamattar üşin, basqa qazaqstandıqtar üşin mölşerleme – 9 payız;

Bastapqı jarna: ärlengen päterler üşin 10 payız, jöndeusiz satıp alınatın päterler üşin 20 payız ;

Nesie soması: Almatı men Astana qalalarına 36 mln teñgege deyin, basqa öñirlerge 30 mln teñgege deyin;

Almatı men Astanada tek jaña twrğın üy satıp aluğa boladı, al basqa aymaqtarda – kez kelgen twrğın üy, sonıñ işinde qaytalama narıqtağı jeke üylerdi aluğa boladı;

Qarız aluşınıñ soñğı 5 jılda jeke baspanası bolmauı kerek;

Qatısuşınıñ "Otbası bankinde" keminde 2 mln teñge depoziti boluı kerek.

Bwl rette "Naurız jwmısker" ipotekasına önerkäsip, energetika, kölik, auıl şaruaşılığı, su resurstarı salalarınıñ mamandarı qatısa aladı.

Esteriñizge sala keteyik, Qazaqstanda äskeri qızmetkerlerge arnalğan "Äskeri baspana" ipotekalıq bağdarlaması qayta aşıladı. Tolıq aqparat 20 qazanda jariyalanadı.