Alatau Aqparat مەدياحولدينگىنىڭ كاريكاتۋريسى عالىم سماعۇلۇلى حالىقارالىق بايقاۋدا ماراپاتتالدى, - دەپ حابارلايدى Vecher.kz. -كە سىلتەمە جاساعان Shalqar.kz تىلشىسى. 

بيىل 18 قازاندا ىستامبۇلدا 16-شى حالىقارالىق تۋريستىك كاريكاتۋراشىلار بايقاۋىنىڭ ماراپاتتاۋ راسىمى وتتى.

عالىم سماعۇلۇلىنىڭ ايتۋىنشا, "ىستامبۇلدا تۋريست بولۋ" دەگەن تاقىرىپپەن وتكەن بايقاۋعا 49 ەلدەن 356 سۋرەتشى 572 تۋىندىمەن قاتىسقان. 

جەڭىمپاز كاريكاتۋريستەر ماراپاتتارىن ىستامبۇلدىڭ بەيوعلۋ اۋدانىنداعى مەتروحاندا ۇيىمداستىرىلعان سالتاناتتا الدى. 

"جۇمىسىمىزدى جوعارى باعالاعاندارى ۇشىن بايقاۋدىڭ ۇيىمداستىرۋشىلارى Nazmi Kozak مىرزا مەن Kerem Köfteoglu مىرزاعا, سونداي-اق, قازىلار القاسىنىڭ مۇشەلەرىنە شىنايى العىسىمدى بىلدىرەمىن", - دەدى عالىم سماعۇلۇلى. 

بايقاۋ تۇركييا قوناقۇيشىلەرى قاۋىمداستىعىنىڭ (TÜROB), ىستامبۇل قالالىق اكىمشىلىگىنىڭ تۋريزم دەپارتامەنتىنىڭ جانە ىستامبۇل كونگرەسس جانە كەلۋشىلەر بيۋروسىنىڭ قولداۋىمەن ۇيىمداستىرىلدى.

ەرەسەكتەر ساناتىندا:

· مەندي ازيزي (يران) بىرىنشى ورىن; 

· ومەر چام (تۇركييا) ەكىنشى ورىن;

· موجمير ميحاتوۆ (حورۆاتييا) ۇشىنشى ورىن يەلەندى.

پروفەسسور اتيلا وزەر ارنايى جۇلدەسىن بولگارييالىق اللا جانە چاۆدار گەورگيەۆتەر, ال فەحمي كوفتەوگلۋ اتىنداعى جۇلدەنى قازاقستاننان عالىم بورانباەۆ الدى.

جاستار ساناتىندا بىرىنشى ورىندى مۇستافا ناسۋح ​​اشىك (تۇركييا), ەكىنشى ورىندى دەفنە دەميردجي (تۇركييا), ۇشىنشى ورىندى سۋدەم دۋران (تۇركييا) جەڭىپ الدى.