Alatau Aqparat mediaholdinginiñ karikaturisi Ğalım Smağwlwlı halıqaralıq bayqauda marapattaldı, - dep habarlaydı Vecher.kz. -ke silteme jasağan Shalqar.kz tilşisi. 

Biıl 18 qazanda Istambwlda 16-şı Halıqaralıq turistik karikaturaşılar bayqauınıñ marapattau räsimi ötti.

Ğalım Smağwlwlınıñ aytuınşa, "Istambwlda turist bolu" degen taqırıppen ötken bayqauğa 49 elden 356 suretşi 572 tuındımen qatısqan. 

Jeñimpaz karikaturister marapattarın Istambwldıñ Beyoğlu audanındağı Metrohanda wyımdastırılğan saltanatta aldı. 

"Jwmısımızdı joğarı bağalağandarı üşin bayqaudıñ wyımdastıruşıları Nazmi Kozak mırza men Kerem Köfteoglu mırzağa, sonday-aq, qazılar alqasınıñ müşelerine şınayı alğısımdı bildiremin", - dedi Ğalım Smağwlwlı. 

Bayqau Türkiya qonaqüyşileri qauımdastığınıñ (TÜROB), Istambwl qalalıq äkimşiliginiñ turizm departamentiniñ jäne Istambwl kongress jäne keluşiler byurosınıñ qoldauımen wyımdastırıldı.

Eresekter sanatında:

· Mendi Azizi (Iran) birinşi orın; 

· Ömer Çam (Türkiya) ekinşi orın;

· Mojmir Mihatov (Horvatiya) üşinşi orın ielendi.

Professor Atila Özer arnayı jüldesin bolgariyalıq Alla jäne Çavdar Georgievter, al Fehmi Kofteoglu atındağı jüldeni Qazaqstannan Ğalım Boranbaev aldı.

Jastar sanatında birinşi orındı Mwstafa Nasuh ​​Aşık (Türkiya), ekinşi orındı Defne Demirdji (Türkiya), üşinşi orındı Sudem Duran (Türkiya) jeñip aldı.