2026 جىلى ستۋدەنتتەرگە تولەنەتىن ستيپەندييا مولشەرى بەلگىلەندى, دەپ حابارلايدى Shalqar.kz.

تەلەارنا مالىمەتىنە سايكەس, جاڭا جىلدان باستاپ باكالاۆر دارەجەسىندە وقيتىن ستۋدەنتتەرگە 52 000 تەڭگە شاكىرتاقى تاعايىندالادى.

پەداگوگيكا سالاسىنىڭ بولاشاق ماماندارىنا بەرىلەتىن ستيپەندييا 84 000 تەڭگە كولەمىندە بولادى. ماگيستراتۋرادا وقيتىن ستۋدەنتتەرگە 117 000 تەڭگە شاكىرتاقى بەرىلەدى. ال دوكتورانتۋرادا بىلىم الىپ جاتقان ازاماتتاردىڭ ستيپەنديياسى 262 000 تەڭگەدەن اسادى.

سونىمەن قاتار جەتىم بالالار مەن اتا-اناسىنىڭ قامقورلىعىنسىز قالعان ستۋدەنتتەرگە تولەنەتىن شاكىرتاقى مولشەرى 30 پايىزعا جوعارى بولماق. ۇزدىك ستۋدەنتتەرگە دە كوبىرەك شاكىرتاقى بەرىلەدى — ولار جاڭا جىلدا 15 پايىزدىق ۇستەمەاقى الادى.