ۇلتتىق بانك توراعاسىنىڭ ورىنباسارى ەرۇلان جاماۋباەۆ الداعى جىلدارعا ارنالعان ەل بيۋدجەتىندە نەلىكتەن بىر دوللار 540 تەڭگەگە باعالانعانىن تۇسىندىردى, دەپ حابارلايدى Shalqar.kz تىلشىسى.

"2026-2028 جىلدارعا ارنالعان رەسپۋبليكالىق بيۋدجەت تۋرالى" زاڭدا بىر دوللاردىڭ 540 تەڭگەگە باعالانۋى — ينديكاتيۆتىك كورسەتكىش قانا. بۇل تۋرالى سەنات وتىرىسىندا ۇلتتىق بانك توراعاسىنىڭ ورىنباسارى ەرۇلان جاماۋباەۆ مالىمدەدى.

"بيۋدجەتتىك جوسپارلاۋعا ەنگىزىلگەن بارلىق نارسە — ينديكاتيۆتىك كورسەتكىش, ياعني قارجى مينيسترلىگى ۇلتتىق ەكونوميكا مينيسترلىگىمەن بىرلەسىپ قانداي دا بىر باعدار بەلگىلەۋى كەرەك.

ولار بيۋدجەتتى شامامەن الىنعان قانداي دا بىر ۆاليۋتا باعامىنسىز ەسەپتەي المايدى, سوندىقتان بۇل باعام ينديكاتيۆتىك قانا. بۇل بىزدىڭ تارگەت ەمەس, وسى باعامعا قول جەتكىزۋىمىز كەرەك دەگەن ماقسات ەمەس", - دەدى ەرۇلان جاماۋباەۆ.

ونىڭ ايتۋىنشا, ۇكىمەت پەن ۇلتتىق بانكتىڭ ماقساتى ينفلياتسييانى تومەندەتۋ, ال ۆاليۋتا باعامى — بيۋدجەتتى بولجاۋعا ارنالعان كورسەتكىش قانا.

ەستەرىڭىزگە سالا كەتەيىك, 1 قازاندا قازاقستاندا دوللاردىڭ رەسمي باعامى 549,06 تەڭگەگە جەتىپ, تاريحي رەكورد جاڭارتقان بولاتىن.