Wlttıq bank törağasınıñ orınbasarı Erwlan Jamaubaev aldağı jıldarğa arnalğan el byudjetinde nelikten bir dollar 540 teñgege bağalanğanın tüsindirdi, dep habarlaydı Shalqar.kz tilşisi.

"2026-2028 jıldarğa arnalğan respublikalıq byudjet turalı" zañda bir dollardıñ 540 teñgege bağalanuı — indikativtik körsetkiş qana. Bwl turalı senat otırısında Wlttıq bank törağasınıñ orınbasarı Erwlan Jamaubaev mälimdedi.

"Byudjettik josparlauğa engizilgen barlıq närse — indikativtik körsetkiş, yağni Qarjı ministrligi Wlttıq ekonomika ministrligimen birlesip qanday da bir bağdar belgileui kerek.

Olar byudjetti şamamen alınğan qanday da bir valyuta bağamınsız eseptey almaydı, sondıqtan bwl bağam indikativtik qana. Bwl bizdiñ target emes, osı bağamğa qol jetkizuimiz kerek degen maqsat emes", - dedi Erwlan Jamaubaev.

Onıñ aytuınşa, ükimet pen Wlttıq banktiñ maqsatı inflyaciyanı tömendetu, al valyuta bağamı — byudjetti boljauğa arnalğan körsetkiş qana.

Esteriñizge sala keteyik, 1 qazanda Qazaqstanda dollardıñ resmi bağamı 549,06 teñgege jetip, tarihi rekord jañartqan bolatın.