قازاقستاندىق اكتەر رۇستەم وماروۆ دجەكي چاننىڭ حالىقارالىق جوباسى «قۇدىرەتتى ساۋىت: ۋلьتيماتۋم» اتتى جاڭا فيلьمىنىڭ تۇسىرىلىمىنە قاتىسادى, دەپ حابارلايدى Shalqar.kz “qazaqparat_kz” تەلەگرامم كانالىنا سىلتەمە جاساپ.

Salem Entertainment كومپانيياسىنىڭ اقپاراتى بويىنشا, رۇستەم وماروۆ بۇل جوبادا ستسەناريست ارى اكتەر بولادى.

— بالا كەزىمنىڭ كۋميرى دجەكي چانمەن بىرگە تۇسەتىنىمە وتە قۋانىشتىمىن, — دەپ جازدى رۇستەم وماروۆ.

بۇعان دەيىن قازان ايىنىڭ باسىندا ايگىلى «قۇدىرەتتى ساۋىت» فرانشيزاسىنىڭ تورتىنشى بولىمى قازاقستاندا تۇسىرىلەتىنى حابارلانعان ەدى.

بۇل فرانشيزا — 1986 جىلى دجەكي چاننىڭ وزى تۇسىرىپ, باستى رولدە ويناعان كۋلьتتىك گونكونگتىك شىتىرمان وقيعالى بوەۆيك. كەيىن ونىڭ جالعاسى — «قۇدىرەتتى ساۋىت 2: كوندور وپەراتسيياسى» (1991) جانە «قۇدىرەتتى ساۋىت 3: زودياك ميسسيياسى» (2012) فيلьمدەرى جارىق كوردى.

سونداي-اق بۇعان دەيىن جاڭا حالىقارالىق جوبانىڭ رەجيسسەرى قازاقستاندىق روبەرت كۋن بولاتىنى حابارلانعان.

ەكسكليۋزيۆتى سۇحباتىندا روبەرت كۋن دجەكي چاننىڭ كينو الەمىندەگى وزىنە شابىت بەرۋشى تۇلعا بولعانىن اتاپ وتتى.