Астана қаласында картоп бағасының тұрақтылығын сақтап қалу үшін арнайы шаралар қабылданды, деп хабарлайды “Shalqar.kz”.

Қалада картоптың жетіспеушілігі байқалмайды, өнім сауда желілері мен базарларда жеткілікті мөлшерде бар және оның қорлары тұрақты түрде толықтырылып отырады.

Дегенмен, картопты көтерме бағада сатып алу жағдайларын болдырмау мақсатында “Small” және “Spar” дүкендерінде бір адамға картоп сату көлемі 5 келімен шектелді. Сауда нүктелері өкілдерінің айтуынша, бұл шара сұраныстың күрт өсуіне жауап ретінде енгізіліп, бағаның көтерілуіне жол бермес үшін қабылданған.