الماتىداعى Almaty Gallery مەملەكەتتىك كوركەمسۋرەت گالەرەياسىندا قازاقستان رەسپۋبليكاسىنىڭ مادەنيەت جانە اقپارات مينيسترلىگى مەن ەۋروپا جانە ورتالىق ازييا ەلدەرىنە ارنالعان بۇۇ-ايەلدەر قۇرىلىمى ايماقتىق كەڭسەسىنىڭ قولداۋىمەن  «تىرەك: قىز تاعدىرىنىڭ ارقاۋى» اتتى بىرەگەي داتا-ارت كورمەسى اشىلدى, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ.

كورمەدە قازاقستان, قىرعىزستان, تاجىكستان, تۇرىكمەنستان جانە وزبەكستان سۋرەتشىلەرىنىڭ 14 ارت-شىعارما ۇسىنىلعان. جوبا ورتالىق ازيياداعى گەندەرلىك ساياساتتىڭ وزەكتى ماسەلەلەرىن كوتەرۋگە جانە ايەلدەر مەن قىزداردىڭ قۇقىقتارىن قولداۋعا باعىتتالعان.

كارتينالاردى جاساۋعا نەگىز رەتىندە ايەلدەردىڭ كوشباسشىلىعى, ەلەنبەيتىن ەڭبەك, ەكونوميكالىق تەڭسىزدىك, كەمسىتۋشىلىك, گەندەرلىك زورلىق-زومبىلىق, انا ولىمى, گەندەرلىك ستەرەوتيپتەر مەن الەۋمەتتىك نورمالار سيياقتى رەسمي دەرەكتەرتەر پايدالانىلدى.

العاش رەت «تىرەك: قىز تاعدىرىنىڭ ارقاۋى» جوباسى قىرعىزستاننىڭ بىشكەك قالاسىندا 2025 جىلدىڭ شىلدەسىندە كوپشىلىككە ۇسىنىلعان. بۇل وقيعا قازىرگى تاڭدا ورتالىق ازييا ەلدەرىن ايەلدەر مەن قىزداردىڭ قۇقىقتارى تۋرالى ديالوگقا بىرىكتىرەتىن اۋقىمدى وڭىرلىك جوبانىڭ باستاماسىنا اينالدى.

«تىرەك» اتاۋى سيمۆولىق مانگە يە. تۇركى تىلدەرىندە بۇل سوز «تىرەك», «وزەك», «نەگىز» دەگەن ماعىنا بەرەدى.

كورمە اياسىندا ەكسكۋرسييالار, سۋرەتشىلەر, بەلسەندىلەر جانە كوشباسشىلارمەن پىكىرتالاس كوشباسشىلر, ارت-سەسسييالار, ماتا قۋىرشاعىن جاساۋعا ارنالعان ۆوركشوپ جانە تۇرلى تالقىلاۋلار وتەدى.

«تىرەك: قىز تاعدىرىنىڭ ارقاۋى» كورمەسى 2025 جىلعى 5–15 جەلتوقسان ارالىعىندا Almaty Gallery-دە (الماتى قالاسى, دوستىق كوشەسى, 44-ۇي مەكەنجايى بويىنشا) كورەرمەندەرگە اشىق. كىرۋ تەگىن.