Almatıdağı Almaty Gallery memlekettik körkemsuret galereyasında Qazaqstan Respublikasınıñ Mädeniet jäne aqparat ministrligi men Europa jäne Ortalıq Aziya elderine arnalğan BWW-Äyelder qwrılımı aymaqtıq keñsesiniñ qoldauımen  «Tirek: qız tağdırınıñ arqauı» attı biregey data-art körmesi aşıldı, dep habarlaydı Shalqar.kz “Mädeniet jäne aqparat ministrliginiñ” telegramm kanalına silteme jasap.

Körmede Qazaqstan, Qırğızstan, Täjikstan, Türikmenstan jäne Özbekstan suretşileriniñ 14 art-şığarma wsınılğan. Joba Ortalıq Aziyadağı genderlik sayasattıñ özekti mäselelerin köteruge jäne äyelder men qızdardıñ qwqıqtarın qoldauğa bağıttalğan.

Kartinalardı jasauğa negiz retinde äyelderdiñ köşbasşılığı, elenbeytin eñbek, ekonomikalıq teñsizdik, kemsituşilik, genderlik zorlıq-zombılıq, ana ölimi, genderlik stereotipter men äleumettik normalar siyaqtı resmi derekterter paydalanıldı.

Alğaş ret «Tirek: Qız tağdırınıñ arqauı» jobası Qırğızstannıñ Bişkek qalasında 2025 jıldıñ şildesinde köpşilikke wsınılğan. Bwl oqiğa qazirgi tañda Ortalıq Aziya elderin äyelder men qızdardıñ qwqıqtarı turalı dialogqa biriktiretin auqımdı öñirlik jobanıñ bastamasına aynaldı.

«Tirek» atauı simvolıq mänge ie. Türki tilderinde bwl söz «tirek», «özek», «negiz» degen mağına beredi.

Körme ayasında ekskursiyalar, suretşiler, belsendiler jäne köşbasşılarmen pikirtalas köşbasşılr, art-sessiyalar, mata quırşağın jasauğa arnalğan vorkşop jäne türli talqılaular ötedi.

«Tirek: qız tağdırınıñ arqauı» körmesi 2025 jılğı 5–15 jeltoqsan aralığında Almaty Gallery-de (Almatı qalası, Dostıq köşesi, 44-üy mekenjayı boyınşa) körermenderge aşıq. Kiru tegin.