قازاقستاندىق تانىمال انشىنىڭ شىعارماشىلىق جولىنا ارنالعان جاڭا بىرەگەي باسىلىم – «ديماش قۇدايبەرگەن: شەكسىز مۋزىكا» اتتى كىتاپ-الьبومدى كوپشىلىك نازارىنا ۇسىنىلدى, دەپ حابارلايدى Shalqar.kz “dimashnews.com”-عا سىلتەمە جاساپ.

ونەرى جىلدار بويى الەمنىڭ تۇرلى وڭىرىندەگى تىڭدارمانداردى بىرىكتىرىپ كەلە جاتقان ارتىستىڭ كاسىبي قالىپتاسۋى وسى ەڭبەكتە جان-جاقتى قامتىلعان. 

كولەمى 289 بەتتەن تۇراتىن الьبوم ديماشتىڭ شىعارماشىلىق قىزمەتىنە كوپقىرلى كوزقاراسپەن قاراۋعا مۇمكىندىك بەرەدى. باسىلىمعا ارحيۆتىك فوتوسۋرەتتەر, كونتسەرتتەردەن الىنعان ماتەريالدار, سونداي-اق ورىنداۋشىنىڭ جەكە ەستەلىكتەرى مەن تۇسىندىرمەلەرى ەنگىزىلگەن. بۇل دەرەكتەر وقىرمانعا ارتىستىڭ كاسىبي دامۋىن كەزەڭ-كەزەڭىمەن باقىلاپ, بۇرىن جارييالانباعان شىعارماشىلىق ساتتەرىمەن تانىسۋعا مۇمكىندىك بەرەدى.

كىتاپ قۇرىلىمى مۋزىكانتتىڭ ومىر جولى مەن كاسىبي وسۋىندەگى نەگىزگى كەزەڭدەردى سيپاتتايتىن تاقىرىپتىق بولىمدەردەن تۇرادى. وندا ورىنداۋشىنىڭ حالىقارالىق دەڭگەيدە تانىلۋى, ونىڭ وتباسى مەن ونەرپازدىق باستاۋلارى, الەمنىڭ اسا ىرى كونتسەرتتىك الاڭدارىنداعى ونەر كورسەتۋى, مادەني جوبالارعا قاتىسۋى, تىڭدارماندارىمەن بايلانىسى جانە شىعارماشىلىق جولى تۋرالى تاراۋلار قامتىلعان. سونىمەن قاتار باسىلىمدا ساحنا سىرتىنداعى جۇمىس ۇدەرىسى مەن ماڭىزدى وقيعالاردىڭ حرونولوگيياسىنا ارنالعان ارنايى بولىمدەر بەرىلگەن.

باسىلىم قازاق, ورىس جانە اعىلشىن تىلدەرىندە ۇسىنىلعاندىقتان, ارتۇرلى اۋديتوريياعا قولجەتىمدى ارى قازاقستاندىق مادەنيەتتىڭ كەڭىنەن تانىستىرىلۋىنا سەپتىگىن تيگىزەدى.

كىتاپ قازىرگى ۋاقىتتا «الماتىكىتاپ باسپاسى» فيرمالىق دۇكەندەرىنە تۇستى.