Qazaqstandıq tanımal änşiniñ şığarmaşılıq jolına arnalğan jaña biregey basılım – «Dimaş Qwdaybergen: Şeksiz muzıka» attı kitap-al'bomdı köpşilik nazarına wsınıldı, dep habarlaydı Shalqar.kz “dimashnews.com”-ğa silteme jasap.

Öneri jıldar boyı älemniñ türli öñirindegi tıñdarmandardı biriktirip kele jatqan ärtistiñ käsibi qalıptasuı osı eñbekte jan-jaqtı qamtılğan. 

Kölemi 289 betten twratın al'bom Dimaştıñ şığarmaşılıq qızmetine köpqırlı közqaraspen qarauğa mümkindik beredi. Basılımğa arhivtik fotosuretter, koncertterden alınğan materialdar, sonday-aq orındauşınıñ jeke estelikteri men tüsindirmeleri engizilgen. Bwl derekter oqırmanğa ärtistiñ käsibi damuın kezeñ-kezeñimen baqılap, bwrın jariyalanbağan şığarmaşılıq sätterimen tanısuğa mümkindik beredi.

Kitap qwrılımı muzıkanttıñ ömir jolı men käsibi ösuindegi negizgi kezeñderdi sipattaytın taqırıptıq bölimderden twradı. Onda orındauşınıñ halıqaralıq deñgeyde tanıluı, onıñ otbası men önerpazdıq bastauları, älemniñ asa iri koncerttik alañdarındağı öner körsetui, mädeni jobalarğa qatısuı, tıñdarmandarımen baylanısı jäne şığarmaşılıq jolı turalı taraular qamtılğan. Sonımen qatar basılımda sahna sırtındağı jwmıs üderisi men mañızdı oqiğalardıñ hronologiyasına arnalğan arnayı bölimder berilgen.

Basılım qazaq, orıs jäne ağılşın tilderinde wsınılğandıqtan, ärtürli auditoriyağa qoljetimdi äri qazaqstandıq mädeniettiñ keñinen tanıstırıluına septigin tigizedi.

Kitap qazirgi uaqıtta «Almatıkitap baspası» firmalıq dükenderine tüsti.