QR Wlttıq muzeyinde «Aqparat tasqınındağı jas wrpaq: qwndılıq, tañdau jäne jauapkerşilik» taqırıbındağı dialog alañı ötti, dep habarlaydı Shalqar.kz “Mädeniet jäne aqparat ministrliginiñ” telegramm kanalına silteme jasap.

Dialog jastardıñ aqparattı qalay qabıldaytının, taldaytının jäne qoldanatının, feykter men manipulyativti habarlamalardıñ qanday qauipter tudıratının, sonday-aq jaña buınnıñ cifrlıq mädenieti qalay qalıptasatının talqılau üşin aşıq eksperttik pikirtalas qalıptastıru maqsatında ötti.  Dialog barısında mediakeñistiktegi özekti trendterge erekşe nazar audarıldı.

İs-şarağa arnayı şaqırılğan sarapşılar, deputattar, belgili jurnalister, mediamenedjerler jäne psihoanalitikter öz käsibi pikirlerimen bölisti.

«JastarX» jobası 2023 jıldan bastap «Jastar» ğılımi-zertteu ortalığınıñ bastamasımen jäne QR Mädeniet jäne aqparat ministrliginiñ qoldauımen jüzege asıp keledi.

Biıl jobanıñ ayasında tört dialog alañı ötti. Atap aytsaq: «Jaña buınnıñ qwndılıqtarı»; «Jwmısşı mamandıqtardıñ bolaşağı: trendter men perspektivalar»; «Eñbek narığındağı qazirgi tendenciyalar men jağday»; «Cifrlandıru jäne jasandı intellekt».

Osı jılı joba jwmısına öñirlik jastar resurstıq ortalıqtarı da qatısıp, talqılaularğa onlayn formatta qatısuğa mümkindik aldı.